العريس قاعد مع خالك بره

وكانوا هيطيروا من الفرحه وماما عماله تزغرط بصيت على حازم اللي هو العريس لقيته بيبتسم بخبث 
اتكلمت بعصبيه انت فاكر كده بتلوي دراعي ولا اي انا مش هتجوزك هو بالڠصب
الأم بدموع حرام عليكي يا بنتي ده محترم وابن ناس وهيسفرك تركيا البلد اللي نفسك تروحيها مش موافقه ليه بقا
اتكلمت پغضب يا ماما انا مش بحبه ولا حتى اعرفه ده واحد جاي يتقدم ويتجوز بكره وهنسافر بعد بكره اي السرعه دي انا قولت مش هتجوز يعني مش هتجوز
معتصم خالي هو اي الجنان ده انت هبله ده بيحبك وعايز يتجوزك فين المشكله والمره ديه مش هترفدي
زي كل مره مش لعب عيال هو انت بقا عندك ٣٠ سنه
هو اي اللي ٣٠ سنه ٣٠ سنه ده فيها أي يعنى انا مش عايزه اتجوز سهله اي
دخلت اوضتي وقفلت الباب بعصبيه وقعدت على السرير وفضلت اعيط
فيها أي يعني لو عيشت من غير جواز بسمع طول الوقت كلام زباله اني بقيت معنسه واني هعيش لوحدي طول حياتي فيها أي يعني لو ما اتجوزتش الدنيا هتخرب!
فضلت اعيط وروحت نمت في مكاني من كتر العياط
صحيت تاني يوم على صوت خبط على باب اوضتي وزغاريط كتيرر وصوت اغاني وتسقيف
قومت من على السرير بملل وصداع من صوت الاغاني العالي فتحت باب اوضتي ودخلت الصالون وانا بفرك في عيني وبحاول افوق
لقيت كل جيرانا في البيت ومشغالين اغاني وبيهيصوا وفي اللي بيرقص واللي بيزغزط
لقيت ست كبيره بتسحبني من ايدي وفضلت تبوس فيا وتقولي مبروك يا حبيبتي
وانا واقفه مصدومه اصلا
تخيلوا معايا كده واحده لسه صاحيه من النوم على صوت اغاني وهييصه وصداع
روحت بعصبيه قفلت الاغاني واتكلم بصوت عالي انا مش عايزه اتجوز ومش هتجوز النهارده ويلا كل واحده على بيتها
لقيت كل الناس بتبصلي پصدمه وماما بتصبلي پغضب ومره واحده لقيت حازم داخل بالمأذون ومعاه الرجاله
جري حازم عليا لما لقاني لابسه البيجامه وشعري منعكش 
مسك ايدي ودخلني المطبخ
حازم بعصبيه انت مجنونه اللي طلعك من اوضتك بالمنظر ده
اتكلمت بعصبيه والله انا برضوا اللي مجنونه انت مش معقول انت اللي مچنون وحيوان في حد يصحى على صوت زغاريط وأغاني والمعازيم كلها برا في شقتك والمفروض بقا ان انا اصحى من النوم اتجوز الله اي السهوله دي
حازم ببرود حسابك معايا بعدين على كلمه حيوان ومچنون دي ويلا ادخلي البسي فستان واطلعي عشان نكتب كتب الكتاب ونروح على شقتي لحد معاد الطياره بكره
هههههه يا راجل قول كلام عدل يا جددددع انت فعلا مجون انت لو هتقولي تعالي نخرج هتقولي قبلها بكام ساعه جاي تقولي يلا نتجوز هههههه ده في أحلامك غور من وشي اي الجنان ده على الصبح
حازم پغضب اقفي مكانك انا بكلمك
يا عم اي القرف ده الواحد يصحى من النوم يلاقي نفسي بيتجوز هههههه اما نكته بصحيح
حازم بشرود على فكره انا ليا أسبابي ان انا هتجوز واحده مجنونه زيك ادخلي البسي الفستان واتنيلي اخرجي المعازيم برا
بصتله پغضب وبعدين جاتلي فكره وابتسمت بخبث وقولت حاضر يا حازم هدخل البس الفستان يا حبيبي
حازم پصدمه حبيبك ربنا يستر والليله تعدي على خير
بعد ساعتين
كان البيت متزين بالورد والانوار وفي ناس كتير في شقه العروسه والمأذون قاعد مستني العروسه تخلص لبس
حازم بضيق استغفرالله العظيم يارب عدي الليله دي على خير طنط طنط من فضلك استعجلي العروسه
الأم حاضر يا ابني ثواني
ناااااهد ناااااهد يلا يا بنتي بقااا المعازيم قربت تمشي والمأذون زهق
في غرفه ناهد
بصت ناهد على نفسها