هما فين الخمس بنات دول ياجدي
انت في الصفحة 1 من 4 صفحات
قدامك خمس بنات يابني اختار اللي تعجبك ومن بكره اجوزهالك
وقف وربع أيده بغرور وهو بيبص علي كل واحده فينا بتقييم
كنت واقفه بهز رجلي بعصبيه وانا ببصله بنظرات ناريه
لف رأسه وهو بيسأل جدو بسخريه
هما فين الخمسه دول ياجدي انا شايف اربعه بس !
جدو باستغراب
سلامه النظر يابني قدامك خمس بنات ولاد عمك
اي ده هي دي بنت
جزيت علي اسناني بغيظ
ايه مش باين ولا ايه
رد باستفزاز
صراحه افتكرتك ولد في البدايه معلش اصل يعني مش متعود اشوف بنات بالشكل ده
وماله بقي شكلي أن شاء الله
بصلي من فوق لتحت بابتسامه بارده
ولادي اوي يعني بصراحه شوفي الفرق ما بينك وما بين البنات اللي جنبك ده حماده وده حماده تاني خالص
يبقي اختارلك واحده منهم ومتصدعناش ياكابتن
رد برفعه حاجب
كابتن!
مردتش عليه ولفيت وشي النحيه التانيه وانا بنفخ بضيق وبقول بهمس
مستفز
جدو وهو بيحاول يلطف الجو وبيقول بهزار
بس ياواد يا ياسين ملكش دعوه بقمر العيله
قمر !!
اومال دول اي ياجدي
نفخت بضيق وانا بقول بصوت مسموع
اللهم طولك يارووووح
واحده من بنات عمي وهي بتقول بدلع
سيبك منها ياسينو هي ميان طول عمرها كده بتحب تتنكر في شخصيه الولاد
بصيتلها بقرف
سيبك منها ياسينو نينينينيي
عامله نفسها هيفاء وهبي وهي في الحقيقه اما بتشيل الميك اب بتبقي عامله زي عبده السمكري اللى تحت بيتنا لا والله ده عبده احلي !
اسمك ايه
هي بدلع
دارين
ياسين بقرف
سردين في حد يسمي بنته سردين
هي بغيظ
نوووو دارين داااارين
اه بقولك ايه يادارين الواحد برضو قبل ما ياخد البضاعه يحب يشوف ان كانت حقيقيه ولا مزيفه
ردت باستغراب
what مش فاهمه انت بتقول ايه
ياسين بخبث
ردت بخجل
اوووووه ثانكس
ياسين ببرود
بس انا عايز منك خدمه
ردت بدلع
اوكي اللي انت عايزه
ياسين
ياريت لو تروحي تغسلي وشك من الكيلو ميك اب اللي انتي حطاه ده عشان اشوف أن كنتي فعلا حلوه ولا لا !
حطيت ايدي علي بوقي وانا بضحك
هههههههه هات الدكتور عشان يخيط
هه ا انا
ياسين
معلش ياسردين يوه اقصد يادارين اصل الواحد مش عايز يتغش ولا انت ايه رأيك ياجدي!
جدو بتأيد
حقك يا ياسين يابني روحي يادارين يابنتي امسحي الميك اب خلي ياسين يتطمن
دارين بتوتر
ا انا ا انا انا
ياسين بتريقه
انا مش عارفني انا توهت مني انا مش انا
دارين بغيظ
اووووف هو ايه أصله ده انا مش عايزه اتجوز عن اذنكم
قالت جملتها وطلعت تجري علي بيتها وهي بتدب رجلها في الأرض بعصبيه
اما عني بصيتله وانا بقوله بجمود
وبما اني شبه الولاد فلا يجوز تتجوز ابن عمك ياكابتن
عن اذنك ياجدو أنا همشي
قولت كلامي وخرجت انا كمان وطلعت علي بيتنا
اول ما دخلت كانت ماما قاعده مستنيه بلفه
ها عملتي ايه أختار مين ايه اللي حصل قالك ايه ق
قاطعتها بضيق
اييييه في ايه سيبيلي فرصه ارد
هي بضيق
سكتنا
اتنهدت وانا بقعد علي الكنبه وبسحب تفاحه وباكلها
معرفش لسه مختارش
وبصيتلها
بس الاكيد مش انا يعني ويبقي عمل فيا خير
ومش انتي ليه ياختي!!
رديت بغيظ
قال اي بيقول لجدي فين الخمسه انا مش شايف غير اربعه بس بيقولي افتكرتك ولد
البعيد عديم النظر والاحساس
لوت بوقها بسخريه
عنده حق واحد عايش طول عمره برا في أمريكا وكل يوم بيشوف بنات اشكال والوان وكلهم حلوين حقه يشبهك بالولاد بمنظرك ده
ماله بقي منظري أن شاء الله هو انا لازم البس محزق وملزق واحط كيلو ميك اب في وشي عشان اعجب !!
وبعدين احسن انا اصلا مكنتش موافقه علي الجوازه الهباب دي هو جدي مفكر أننا جواري عشان يبيع ويشتري فينا
والتاني اللي مفكر نفسه السلطان محمد الفاتح ده كمان طبعا ماهو حقه ما هو جدي هو اللي عطاله الحق يتعوج علينا
واقولك علي حاجه أنا هفضل كده بمنظري ده ومش هتغير عشان حد واللي عاجبه عاجبه واللي مش عاجبه يخبط دماغه في الحيط
ماما بسخريه
ماهو ده اللي فالحه فيه طوله لسانك
رديت ببرود
اهو علي الاقل فالحه في حاجه
ماما
بعصبيه
امشيي غوري من وشي
اوووووف استغفر الله العظيم يارب
منك لله يا شيخه
خليكي كده ياختي خليكي قاعده جنبي لحد ما تعنسي خالص فالحه بس تقوليلي لما اتجوز هعمل وهعمل وهعمل
ابقي قابليني لو حد بص
في وشك بمنظرك اللي شبه محمود اخوكي ده ناقصلك شنب بس وتبقي ولد بحق وحقيقي كتها نيله اللي عايزه خلف يابعيده
دخلت اوضتي ورزعت الباب ورايا بغيظ وعصبيه
الاسطوانه المشروخه بتاعه كل يوم ربنا يتوب علينا من دي اسطوانه
اتنهدت بضيق وانا بقف قدام المرايه وببص علي شكلي اللي مش عاجبها ولا عاجب حد
مش فاهمه مالهم مانا زي القمر اهو ده انا شبه انجلينا جولي ا احم مش اوي يعني خليني متواضعه انا شبه هيفاء وهبي لا لا ياميان اتواضعي اتواضعي خليكي في المتوسط انا شبه صافينار ايش هذا والله نفس الجمدان كلهم اجمد من بعض
ميان حبيبتي انتي ناقصلك شنب وتبقي شبه محمود اخوكي مش هئ هئ وكده
نفخت بضيق وقعدت علي الكرسي وانا بفتكر اللي حصل النهارده الصبح
فلاش باااك
كنت واقفه كالعاده بلعب مع اطفال المنطقه كوره قدم بعد اصرررررار منهم ا احم اقصد بعد إصرار مني اني اتطفل والعب معاهم اصل انا علي الله حكايتي
كنت بجري يمين وشمال بشوط الكوره في أي مكان غلط مره اشوطها علي فرشه الخضار بتاعه عمو اللي علي أول الشارع ومره اشوطها في القهوه اللي في وشي واكسرله القهوه ومره اشوطها عند طنط ام سالم بتاعه المنظفات واوقعلها جركل صابون سائل بحاله مره اشوطها في ازار عربيه فتتكسر
وبالرغم من كل المصاېب دي إلا أني كنت مصره اعمل فيها محمد صلاح
اااااااه
حطيت ايدي علي بوقي بفزع لما شوطتها في دماغ شخص كان واقف بظهره
هااااار اسود
واحد من الأطفال پغضب
لما أنتي مش بتعرفي تلعبي بتلعبي معانا ليه زهقتينا بقي كل شويه مصېبه
رديت پخوف
هششش اسكت اسكت
لقيته لف لينا ووشه باين عليه الڠضب وهو حاطط ايده علي رأسه
سال الأطفال بصوت خشن ومرعب
مين اللي عمل كده
كلهم في صوت واحد وهما بيشاورا عليا
ميان ياعموووو
بصيتلهم بتوتر
اصيل يابو رحاب
قرب مني وزعق في وشي بعصبيه
انتي مجنونه
بلعت ريقي بتوتر
ا ا ا انا
ايه القط اكل لسانك
رديت بغيظ
الله جرا اي ياكابتشن مكنتش اقصد خلاص حصل خير
رد بقرف وهو بيبصلي من فوق لتحت
انتي بنت ولا ولد ولا بنت في هيئه ولد ولا اي بالظبط اصل الواحد مش عارف يحدد !
رديت بغيظ
ابقي البس نظاره ياعسل وانت تعرف تحدد ا
ياسين انت جيت يابني حمد لله علي سلامتك
قالها جدو من ورا ياسين اللي لف وقرب منه وسلم عليه باحترام
فتحت بوقي ببلاهه
بقي هو ده عريس الغفله الواد ابو قردان ده لا حول ولا قوه الا بالله ويخلق ما لا تعلمون عجايب والله
باااك
فوقت من شرودي علي صوت ماما وهي بتفتح الباب وبتقول بفرحه
ميااان العريس اختارك
اتنفضت من مكاني پصدمه
اييييييه ا
ماما بفرحه وهي بتقرب مني وبتحضني
لولولولولولي الف مبروك ياحبيبتي
اتعصبت وانا بهبد رجلي في الأرض
مبروووك !!!
مبروك علي ايه انا استحاله اوافق
ماما بغيظ
وده ليه بقي أن شاء الله
هو كده انا اصلا كنت رافضه الموضوع من البدايه
ماما وهي بتشدني من دراعي بعصبيه
لا بقولك ايه شغل الاستهبال ده مش عليا انتي هتوافقي ورجلك فوق رقبتك
احنا مش مستعدين نخسر ثروه كامله بسبب تفاهتك
نفضت ايدي من ايديها بنرفزه
احنا مش عبيد عشان جدي يعمل فينا كده !
يعني ايه شرط عشان يكتبلنا ثروته أن بنت من العيله تتجوز المحروس علي عينه
طب افرض محدش أتقبل الوضع خلاص كده حقنا يروح
لا ياماما مش هوافق ومحدش هيقدر يغصبني و
ماما بعصبيه وهي بتقاطعني
انا هجبلك أبوكي وأخواتك يتصرفوا معاكي
رديت بلا مبالاه
تمام كده كده موقفي مش هيتغير !
خرجت من الأوضه ورزعت الباب وراها وانا نفخت بضيق وعصبيه وانا بهبد رجلي في الأرض وپصرخ بغيظ
برضو مش هتجوز مش هتجوز بالطريقه ديه ومش هتجوز البني ادم اللي شايف نفسه ده هه
شغلت اغاني وروحت نحيه الدولاب وغيرت هدومي لبست شورت وفوقيه تيشرت احمر كات وفردت شعري علي ظهري وحطيت ميك اب وانا واقفه اغني بلامبالاه ولا كأن حصل حاجه
خلصت وروحت قعدت علي سريري وفتحت الواتس وفضلت اتكلم شويه مع اصحابي لحد ما اتبعتلي ماسدج من رقم غريب فورا عرفت صاحبها
بقولك ايه يا عروسه الهم والندامه انتي انا اضطريت اختارك عشان سردين دي لا تطاق والبنات التانين واضح انهم مرتطبين ف للاسف الشديددد يعني انا اختارتك انتي
الواحد حاسس انه هيتجوز واحد صاحبه بس كله يهون عشان الفلوس
معلش نتجوز وناخد حقنا واطلقك وكل واحد فينا يروح لحاله
قريت الماسدج وحسيت أن الډم فار في دماغي من كميه الغرور وقله الذوق اللي كان فيها !
جزيت علي اسناني بغيظ وانا بفتح الفويس وببعتله بكل عصبيه
وانا مش هوافق علي الجوازه دي اياكش نفلس ولا نشحت في الشوارع انا استحاله اوافق على واحد زيك ياض ده انت عيل طري الناس تقول اي ياربي واحده متجوزه واحده صاحبتها !
ثواني وبعتلي فويس وهو متعصب
انتي متربتيش وانا مش هسكت علي الاهانه دي
بعتله ببرود
طز
هتوافقي ورجلك فوق رقبتك
محدش يقدر يجبرني ياعسل
انا اقدر اجبرك وافقي بالذوق احسنلك
اتعصبت اكتر وانا بقوم من مكاني وبكتبله بغيظ
طب مش موافقه وحالا هروح لجدي أبلغه برفضي ويحصل اللي يحصل بقي
قولت جملتي وقفلت الفون وروحت نحيه الدولاب عشان اغير هدومي لسه هفتحه لقيت الفون بيرن
رفعت حاجبي لما لقيت رقمه بيرن
افندم
خليكي في مكانك وبلاش جنان
هزيت رجلي بعصبيه
ملكش دعوه ومش هتجوزك
يابنتي استهدي بالله واسمعيني
نفخت بضيق وانا بقعد علي السرير
لخص
الخص!
ايوه وياريت بسرعه عشان الخلق يادوبك
رد بسخريه
لوكل اوي
اللهم طولك ياروح نسأل الله الخلاص عشان الواحد خلاص
لا متقلقيش خلاص نطيت اهو
رفعت حاجبي باستغراب
نطيت!
انت عبيط يالا
طب ليه الغلط مش عيب تغلطي في جوزك برضو !
اتنفضت من مكاني لما لقيته دخل من البلكونه بتاعتي اللي كنت فتحاها
هششش اخرسي هتفضحيني
امممممم اممممممم
بصلي وهو بيقول پحده
هشيل ايدي بس لو صوتي مش هيحصل كويس اوك
اممممم امممم
يبقي اوك
شال أيده وأنا بعدت بتلقائية وانا بتنفس بسرعه وببلع ريقي بتوتر
ا انت اټجننت انت ازاي تدخل اوضتي ا انت
ربع أيده وهو بيرد بلا مبالاه
عادي من البلكونه سهله يعني بلكونتك لزق في بلكونتي !
انت مچنون لا بجد مچنون
بصلي من فوق لتحت وهو بيربع أيده وبيضحك ضحكه خبيثه
اممممم مانتي بنت اهو اومال عامله فيها عبده السمكري ليه !
برقت پصدمه وقلبي اتنفض لما افتكرت اللبس اللي انا لبساه
شديت الغطا اللي علي السرير وانا بحاول اقول كلمتين علي بعض
ا ا انت ا انت انت ا انت
ايييييه انتي علقتي !
خدودي احمرت وانا علي وشك اعيط من كتر الإحراج
ا اخرج ل لو س سمحت عيب كده ا انا
رد ببرود
اسمع موافقتك الاول
