عشق بقلب عنيد الفصل الثاني للكاتبه زهرة الربيع
مرعبه وقال.. غوري نامي يا ميار ... يلا
ميار اتنهدت وراحت نامت ...وهيه بتقول ما لكش في الطيب نصيب براحتك
عايز نام على الكنبه وحاول ينام بس ما قدرش فضل يفكر يا ترى عامله ايه دلوقتي وخاف جدا لا تتعب تاني بص على ميار لقيها نامت... طلع من الاوضه وراح اوضه وتين ...لما دخل لقاها نايمه على السرير وحاضنه المخده ودموعها على خدودها لسه ما نشفتش اتنهد بحزن... ومدد جمبها لحد ما راح في النوم
في صباح يوم جديد قامت وتين من النوم حاسه بتعب شديد اټصدمت جدا قعدت بسرعه وقالت... يا استاذ انت... قوم
عز قام من النوم على صوتها وقال بضيق... عايزه ايه
عز بصلها وقال بسخريه.... اه صح هو الموضوع يستاهل انك تصحيني من النوم
وقام بلا مبالاه بقى ياخذ هدومه عايز يستحمى
وتين الفستان بتاعها كان مقطوع وكانت ماسكاه من فوق بايدها راحت وراه وقالت.. ممكن افهم انت قصدك ايه بالي بتعمله ده انا مش فاهمه يعني انا ما كنتش موافقه على جوازنا اصلا ...ما كنتش موافقه ولما بابا اصر عليا وقال انك بتحبني انا وافقت عشان خاطر بابا لما انت مش بتحبني ولا عايزني ولا حاجه من الكلام ده طلبتني ليه واصريت ليه ..انا يا سيدي واحده مخدوعه حبيت واحد وطلع ندل ده يضايقك في ايه تتجوزني ليه اصلا
وتين اتنهدت بضيق وقالت...انت مكبر الموضوع ليه كل الفكره اني لما ممدوح قال مش هنتجوز.. فكرت اني احاول اديك فرصه كنت فاكره انك بتحبني ..ومسحت دمعه نزلت على خدها وقالت.... قلت ان الي حبيتو خدعني وسابني ايه المانع اني اتجوز واحد يكون هو بيحبني مش يمكن احبه والدنيا تبقى اجمل معاه.. انما لو اعرف ان عندك نيه انك ټنتقم مني لمجرد اني رفضتك وفضلت مع ممدوح ما كنتش اتجوزتك ولا قولت لبابا اني وافقت عليك اصلا...بس انت كنت تقدر ترفض وتقول بعد ايه لكن لا..اخترت الأصعب والي يجرح اكتر.. على العموم كل اللي حصل ده انت اكتر واحد عارف انه ما فرقليش لاني معنديش مشاعر ليك اندم عليها... بس اللي ضايقني بقى واللي مش هسامحك عليه انك مديت ايدك عليا امبارح واتسفلت عليا وقلت كلام محصلش والحركه اللي عملتها في الفرح دي انك تيجي داخل بواحده قدام المعازيم وتقول دي مراتي وانا كاتب عليها قبلك ومن
