رواية زواج بالاحتيال ( كامله حتى الفصل الاخير) بقلم ج٠٠

يوم كعدنا متاخرين تغدينا كبل وامي طلعت تستكشف المنطقه 
بعد هي لكت شغله احسن من الخيره 
وأسهل واضمن وبيها فلوس هواي 
كامت تسئل على الناس الشبعانه بلمنطقه تريدله صيده جديده 
اسبوع كامل وهي تطلع وترجع 
الحد مااجت بيوم وكالت اكو ناس أمورهم الماديه كلش زينه 
وعدهم ولد ثنيين يردون يزوجوهم 
واحد خاطب وحده وياا من الكليه 
والثاني لازم الشغل كله يبيعون ويشترون بلسيارات 
اسمهم بيت حجي رائد 
لازم نشوف فد ترتبب حتى ابنهم هذا يشوفج 
يكولون يريد مواصفات خاصه 
يريد وحده كلش حلوه 
واكيد انتي الي عندج هاي الموصفات
نهله...يايمه هذا شلون ينعجب بيه قابل اروح اشتري منه سياره حتى مااعرف اسوق
امي...لا خل نشوف فد ترتيب بس يشوفج 
اني اخلي ېموت عليج 
بعد شتريدين
بقت امي تخطط شلون هذا المكرود يشوفني ويجي يخطبني حتى نلعب علي نفس اللعبه 
امي ماتبطل سوالفه هاي ابد
بقت تسئل امي منا ومنا وتراقب 
الحد ماعرفت هو الضهر يرجع للبيت يرتاح شويه 
وينام ساعه ويرجع للعمل
جابتلي ملابس محجبات كلش حلوات وكالت انزعي العبايه 
فستان يخبل وياا حجاب وجنطه وحذاء 
وخليت مكياج خفيف 
طلعت فد شي 
اخذتني بقيت انتضره لمن طلع سيارته من المعرض 
وطلع من هذا الشارع 
اتصلت عليه كالت طلع يله الباقي عليج 
بس وصل قريب يريد يلوف من هذا لفرع هدا السياره شويه 
طلعت علي اني اشرتله اوكف اوكف واني مبين عليه
الخۏف 
هدا السياره ووكف نزل كال خير اختي اكو شي 
نهله...فدوه اكو جماعه صار ساعه يلاحكوني 
شافوني استلمت راتب امي 
يردون يبوكوني جنت ضامه نفسي منهم
من شافوني اشرتلك ختلو هناك 
رحمه الاهلك اوكف اريدهم يرحون وارجع للبيت 
اعرف جاي اعطلك 
بس هذا عمل انساني 
علي...تعاي اني اوصلج البيتكم اصعدي 
نهله...مااريد اعطلك 
علي...اصعدي الدنيا حاره شلون طلعتي وحدج 
نهله...اني ماعندي لا اخ ولا اخت 
بس اني وامي وعايشين على هذا الراتب امي مريضه 
ومحتاجه علاج واجيت استلم الراتب 
شافوني وحدي وبدأ يمشون وراي يردون ياخذون الراتب 
كل مااشوف ناس امشي بصفهم
حتى لا يقربون عليه 
علي...اصعدي اني اوصلج وين بيتكم 
نهله...احنا انتقلنا جديد بهاي المنطقه
صعدت نهله وياا بلسياره وهي كامشه الجنطه بثنتين اديها 
على اساس تخاف على الراتب
علي...لا تخافين هسه اوصلج وين ماتردين 
نهله...شكرا الله يخليك 
الدنيا بعدها بخير مادام امثالك موجودين
علي...شلقصه اذا تحتاجين فلوس هاج هذا كارتي اتصلي 
عليه 
نهله... تسلم الله يخليك مستوره الحمد لله اني مااطلع دائما امي تخاف عليه 
لان الصراحه كل العيون عليه من اطلع شوية هلجمال هذا طاح عليه نقمه
من كلت هاي الكلمتين الټفت عليه ونضرلي نضره عجيبه 
وكانما يدقق بملامحي
علي...انت صح حلوه وبعدج زغيره لا اطلعين وحدج ابد
نهله...مو كتلك اني مااطلع بس اليوم الضرف حكم عليه 
محتاجين الراتب وامي مريضه 
نزلت حتى اجيب الراتب
علي....الله يحفظج 
نهله...شكرا وصلنا نزلني شكرا جزيلا 
علي....تفضلي تدللين
نزلت وصعدت الدرج للمشتمل امي كانت تباوع عليه من الشباك 
امي...هااا
نهله...يمه مثقف وحلووو وشهم بس شافني اشرتله وكف 
امي...اي وبعد 
نهله...كال اي مساعده تحتاجين اني حاضر وانطاني رقم تليفونه 
امي...كلش زين بديتي تعرفين أصول اللعبه
يله نتغدا ونخطط للاتصال بليل 
نهله...يله 
تغدينا وبدينا نحضر الكلام الي راح نحجي وياا بليل 
وشلون راح نسحبه 
حتى يخطبني ونلعب علي نفس اللعبه 
اكيد عندا فلوس وراح يقبل يقدم المهر الي يعجبنا
بليل خليت رصيد ورنيت علي رنه وحده 
يمكن ماانتبه 
رجعت رنيت علي 
رفع التليفون وكال اللووووو 
نهله...السلام عليكم 
علي...عليكم السلام منو وياي 
نهله....اني البنيه الي وصلتني اليوم نهله 
علي...اهلا وسهلا هلو شلونج 
نهله...الحمد لله 
علي...سدي التليفون خاف يخلص رصيدج اني اتصل عليج
سديت التليفون راسا دك 
نهله...الووو 
علي...شلونج 
نهله...الحمد لله بس نحجي بيك اني وامي من الصهر الهسه 
علي ...ماسويت شي هذا واجبي 
نهله...هاي امي تريد تحجي وياك 
علي...يله 
امي...شلونك خاله 
علي...هله خاله انتي شلونج 
امي...الحمد لله الف رحمه على والديك على هلاخلاق 
الطيبه اليوم جان ضاعت مني نهله 
ولد الحړام هواي 
علي...خاله لا تخليه تطلع وحدها وخاصة هيج وقت 
امي...اليوم صار عدنا ضرف وطلعت 
علي...اذا تحتاجون شي بس دزو عليه تدللون 
امي...الف رحمه على والديك يالطيب 
علي...تدللون 
امي...شكرا تصبح على خير 
علي...وانتم من اهل الخير
للحكايه بقيهالبارت__8
زواج_بالاحتيال
البارت الثامن
جمانه السعيدي
نهله...بقينا يومين لا حس ولا خبر يمكن ماكدرنا ناثر تأثير قوي على علي 
امي...ليش مااتصل 
نهله...ايجوز خجلان لو مشغول 
امي...شنو خجلان راح يضيع تعبنا بلوشي 
نهله...والحل 
امي...كومي نسوي كليجه واخذيه وروحي للمعرض 
كليله اجيت اشكرك على تعبك وياي 
ملازم تختفين من وجه لازم المعرض 
هو جان مامنتبه 
اكو ولد يشتغل عدهم انتبهلي كال تفضلي 
نهله....اريد علي
...اي تفضلي علي موجود 
دخلت وكل العيون عليه لابسه فستان اسود وبي نقط ابيض وحجاب اسود وحذاء وشال 
مكياج وعطر طالعه فد شي 
منا لمن وصلت للمكتب الكل عينهم عليه 
دخلت للمكتب 
بس شافني وكف على حيله 
علي...اهلا وسهلا هلو نهله تفضلي 
نهله.. اهلا وسهلا 
علي...خو ماكو شي امج زينه 
نهله...الحمد لله تمام شفتك ما سئلت كلت اني اسئل 
علي.. اعذريني كلش مشغول
نهله...سويت كليجه وجبتلك حصه منه كليجه بلدهن الحر 
هاي عربون على شكري وامتناني منك
علي...اولا شكرا جزيلا كلج ذوق ثانيا ترا انتي مكبره الموضوع حيل اني ماسويت شي يستاهل كل هذا التعب
نهله...لا ولله بهذا الوكت الي مثلك كلش قليلين 
علي...محسستني عبالك سوبر مان 
نهله...مااروح اله اضوك الكليجه وتنطيني رائيك بيه 
بس بصراحه مو اجاملني 
علي... هاي الخاطرج 
فتح الحافظه وطلع وحده اكله 
علي...الله طعمه يخبل صدك طيبه 
نهله...الف عافيه 
علي...الله يعافيج شكرا 
نهله...عود اتصل نحب نسمع صوتك 
علي...ابتسمت صار
نهله طلعت من المعرض جمانه السعيدي وهو وصلني للباب 
علي...اوصلج البيتكم 
نهله...لا عندك شغل اني اروح وحدي 
علي...لا ماترحين وحدج اني اوصلج
صعدت بلسياره ومشينا 
علي..انتي شكد عمرج 
نهله..١٦ سنه ونص 
علي...تحجين صدك زغيره 
نهله...اي

اني عمري زغير بس أبين اكبر 
علي...وشمخلصه دراسه 
نهله...ابتدائيه بس أعجبك كلش شاطره بلعربي والانكليزي 
علي...وليش ماكملتي دراسه 
نهله... هنا بديت احجي القصه الي اتفقنا عليه اني وامي 
احنا عايشين بيت جدي من توفا بابا الكل كال اربد حصتي باعو البيت وكلمن اخذ حصته 
احنا حصتنا كلش قليله ماتكفي نشتري بيت 
وامي مريضه تحتاج علاج 
وكلما نسكن بيت الموجر يطلعنا منه 
حسيت نفسي شايله المسوليه واني زغيره 
مااروح للدوام اخاڤ على امي لا يصير بيه شي 
ومالي احد غيره 
مااتخيل شلون راح اعيش بدونه
علي....من شنو تشكي امج 
نهله...ضغط وسكر 
علي...ذني الامړاض صارن أمراض العصر 
اكيد امج بعد ۏفاة ابوج الله يرحمه شافت نفسه وحيده 
ومو كد المسوليه وتمرضت 
نهله...اي فعلا ابوي جان مدلله دلال ماصاير 
من فقدته تمرضت 
علي...الله يشافيه ويعافيه 
نهله....تسلم الله يحفظك
نزلني وبقه واكف لمن صعدت الدرج ودخلت للمشتمل 
يله راح
بس دخلت امي جانت تنتضرني
امي...هااا بشړي 
نهله...بعد اشويه واحبه شكد راقي واسلوبه بلكلام حلوو 
امي...انجبي ياا حب ياا بطيخ خل نقطه قطه زينه 
ونفلت الغير مكان 
وشما نخلص كلشي بسرعه يكون افضل
امي...اكل من الكليجه كدامج 
نهله...اي اكل 
امي...خلاص كلشي تمام
نهله...بليل رمشت علي 
راسا اتصل عليه 
علي...هلو نهله 
نهله...هلو علي 
علي...مااعرف ليش من شفتج الهسه صورتج ماتفارك خيالي 
نهله...انت الي محترم وماكو منك ابد 
علي...شنو رائيج اقدملج ودرسين على حسابي 
نهله...تحجي صدك 
علي...طبعا صدك 
نهله...بس اخاڤ على امي 
علي...مالج شغل أعرضه على احسن الدكاتره
نهله...ماتقبل هي جاي تاخذ علاج ومشيه امورها 
علي...بكيفج 
نهله...خليه الدراسه على السنه الجايه 
علي..تمام اريد اسئلج عمامج خوالج محد يجيكم ويسئل 
عليكم 
نهله...لا محد يسئل علينا ولا احد يذكرنا انت ماتعرف شكد صعبه عيشت نسوان ثنيين وحدهن بهذا المجتمع
هي زلم وكوه مدبره العيشه
علي...اي ولله صدك الحياة صارت كلش صعبه 
نهله...احجيلي عن نفسك شويه 
لان اني دوختك بلكلام عن نفسي
علي...اني مخلص ميكانيك ومن اني زغير لازم شغل ابوي 
كان عدنا محل زغير نصلح سيارات 
ونشتري سيارات عاطله نصلحه ونبيعه 
بعدين رب العالمين اكرمنا وتجارتنا توسعت اكثر 
وفتحنا هذا المعرض وشتغلنا 
صارت عدنا املاك وخير من الله
اني واخوي محمد فرق سنتين بينا اني ٢٧ وهو ٢٥ 
كل واحد عندا بيت اذا ازوجنا ننتقل كل واحد البيته 
اخوي خاطب بنيه وياا بالجامعه 
واني بعد ادور على بنت الحلال
نهله...شعجب الهسه مالكيت وحده تناسبك 
علي...جاي ادور 
نهله...انشاء الله تلكا بت الحلال 
علي...يمكن يمكن لكيته 
نهله...بلعافيه انت انسان طيب وتستاهل كل خير 
علي...الله يعافيج
نهله بقينا كل ليله يتصل عليه جمانه السعيدي ونبقى نحجي سوا 
بس مافاتحني بموضوع الزواج
امي قررت ازيد الجرعه حتى يوكع على بوزه
نهله...الو هلو علي 
علي.. هلو نونه 
نهله...الله حلوه نونه طالعه من حلكك 
نهله... امي عازمتك تكول يجي يتغدا عدنا لو تريد عشى 
علي...شنو هاي الزحمه 
نهله...ماتريد يصير زاد وملح بينا 
علي...طبعا يشرفني اكل بيتكم 
خلاص باجر الضهر اجيكم 
نهله...ننتضرك
نهله ثاني يوم حضرنا ذاك الغدا المحترم حرنا شطبخنا 
وصل علي الساعه بلوحده الضهر 
اني بدلت وعدلت نفسي لبست فستان ضيك وطويل 
يخبل عليه 
وتمكيجت وتعطرت وصبغت اضافيري
اجا وجايب وياا علبتين حلويات وفواكه ٤ انواع
امي...ليش كلفت نفسك 
علي...شنو كلفت نفسي قابل اني شسويت 
نهله...ماكو داعي ترا عدنا خير من الله 
علي...جاي تحرجوني 
اني كلش جوعان اريد اكل 
امي...اي تفضل
خلينا الاكل كدامه وامي خصته بمواعين ثنيين اشتغلتهن
خصيصا اله
كعد ياكل والاكل حيل عجبه شكد سوالفنا وضحكنا
بعدين اتشكر منا وطلع 
اتفاجئت ثاني يوم بليل اتصل عليه 
علي...هلو نونه 
نهله...هلوو 
علي...اريد اطلب ايدج من امج توافقين 
نهله...صفنت مثل الي ماصدكت خاف احلم لان افكر كل النهار يمته يخطبني سمعت غلط
نهله...شنو ماسمعت
علي...اريد اجي أتقدم اطلبج من امج توافقين 
مجاي تفاركين خيالي صورتج كدام عيني ليل نهار
نهله...اي موافقه 
علي...خلاص حددي موعد وياا امج 
واني اجيب امي اختي تتعرف عليكم 
نهله...تمام
سديت التليفون واني مامصدكه 
نهله....للللوووشش 
امي...ها خير تهلهلين 
نهله.. علي راح يجيب اهله ويجي يتقدملي
امي...اي واخيرا شلع كلبنا هلعلي هذا 
نهله...يمته انطي موعد 
امي...باجر العصر 
نهله .....تمام
اتصلت على علي ونطيته خبر 
ثاني يوم جاب امه واخته جمانه السعيدي شكلهن كلش شيك وانيقات 
بس ماعجبهن وضعنا 
ولمن سمعن اني مخلصه ابتدائيه كلش قفلن 
طلعن مامقتنعات يردن ناس مستوى وثقافه 
ناس معروفين يتباهن بيهم كون تجار مثلهم 
يدورن مستويات
بس رجعن للبيت اعلنن عدم موافقتهن عليه 
وعلي زعل عليهم وصارت مشكله بيتهم 
علي يكول لو هاي البنيه لو ماازوج 
وامه واخته ماموافقات
نهله....علي كان ينقلي كلشي اليوم بيومه 
الحد ماعلي زعل عليهم وطلع من البيت وكام يبات بلفندق 
اسبوع كامل وهو عايش بلفندق ومايروح للمعرض 
ابو يروح بمكانه 
الحد ماستسلمووو وقرروا يخطبوني احسن مايخسرون ابنهم
اجو علينا يتفقون ويانا على الخطوبه
اجن امه واخته بس مبينات من ورا خشمهن جايات
ام علي.. شنو طلباتكم 
امي...البنيه يتيمه وقاصر توها ١٦ سنه ونص ولا عدها اب ولا اخ واكيد بهذا العمر مايصيرله عقد محمكه 
يعني مراح اكدر اضمن حقه 
اني مره مريضه ياساعه أودع الدنيا 
اريد اضمن حقه قبل لا اموت
ام علي....انتي ماتعرفين احنا ناس معروفين بلصدق والنزاهه وبتج راح تعيش بكرامه بينا 
ومراح نقص عليه شي
امي...والنعم منكم ومن اصلكم بس هاي دنيا انتم زينين 
بس مانعرف الضروف الجايه شنووو
ام علي....يعني شنو فهمينا 
امي...نهله مهرها ٤٠ مليون هنا حاضر هنا غايب وتكدرون تكتبون هذا الشي بعقد الشيخ 
٢٠ حاضر و٢٠ غايب تم تسليمها للعروس مقدما
حتى تضمنون حقكم
وهنا اول وتالي الكم اني قابل شراح اخلي بجيبي 
وباقي التفاصيل مالي علاقه بيهن 
تردون تسوون عرس ماتردون تردون تاخذوها بهذا ثوبه العليه مالي شغل بيكم
ام علي...اكيد احنا راح نسوي عرس ونخسر هاي اول فرحه بيتنا بس هواي ٤٠
امي....بكيفكم اني ماعندي اي شرط غير هذا الشرط 
وانتم بكيفكم 
ام علي....خلاص اني احجي وياا ابو علي وارجعلكم الخبر 
امي...اهلا وسهلا شرفتونا
بس وصلن وحجن وياا ابو وافق على المهر لان ال٤٠ مليون مالهن قيمه عدهم فلوس سياره
راسا علي اتصل عليه 
علي...مبروك حبيبتي الف مبروك 
نهله...الله يبارك بعمرك
حددنا موعد المهر 
رتبت البيت وفرشنا اني رحت اجرت بدله حني كلش حلوه بدون ردن وقصيره الحد الركبه منفوشه 
رحت للصالون رتبت شكلي وحفافه وغيرت لون شعري 
صبغت اشقر فاتح وخصلته بلون ثلجي 
وعدلت الكصه
اجن اخته وامه وخطيبت اخووو وبعد كم وحده 
ينعدن على الاصابع يمكن خجلانيين منا 
لان مااجو هواي ناس وياهم 
اما الزلم اجا علي