رواية وبعد الحزن سعاده (كامله الفصول ٠٠٠

وباسم من اول ما سكنوا جديد لحد دلوقتي وقالتلها انهم شغالين في مطعم وقالتلها عنوان المطعم عشان لوحبت تسال عليهم وقالت لها هيسكنوا معاها في البيت
ام مراد فضلت تسمع للاخر واټصدمت من ظروفهم وقالت لها انتي عايزاني اجوز بناتي لناس مالهمش اهل ولا اصل ولا فصل والله اعلم ولاد حلال ولا حرام
ام سليم وهما اللي ليهم وعيله واصل عملوا اي اللي بيهين مراته واللي اهله مبهدلينها وهو ساكت واللي قاعد في البيت ومشغلها كانو الاهل والاصل نفعوا بايه وبعدين ميحسس بقيمه النعمه ويقدرها غير اللي اتحرم منها والعيال اتحرمت من العيله وعارفين قيمتها عايزين يبتدوا حياه جديده ويعملوا عيله وده ابسط حقوقهم قالولي بقا لو كل ماراحو لواحده اترفضوا ومحققوش حلمهم مصيرهم هيبقي اي هتستحملي ذنب ان حياتهم تتدمر اكتر هتبقي انتي والدنيا عليهم ولا هتساعديهم يبقي ليهم حياه وتكسبي فيهم ثواب خدي وقتك وفكري واسالي عليهم بس افتكري انه غلابه واللي بيجي علي الغلابه بيخسر واللي بيساعدهم بيكسب سواء في الدنيا او في الاخره انا همشي بقا واسبيك تفكري

ام سليم مشيت وام مراد فضلت دماغها تودي وتجيب وبعدين قامت صلت استخاره وحست ان قلبها مرتاح بس لسه بالها مشغول ومحتاره فضلت كده لحد ما جوزها جه من الشغل ودخل اوضته لاقاها قاعده وشكلها في حاجه
ابو مراد مالك يا ام مراد
ام مرادمالي ما انا كويسه
ابو مرادوانا لسه عارفك امبارح لا مش كويسه في حاجه شاغله بالك وحاجه كبيره كمان
ام مراد طب غير هدومك وناكل وبعد احكيلك
ابو مراد لا احكيلي الاول انتي اهم
ام مراد ابتسمت وحكتله كل اللي حصل من اول ما ام سليم جت وحوارها معاها لحد ما مشيت وتفكيرها في الموضوع واحساسها بعد صلاه الاستخارة بس كده.
ابو مراد ام سليم معانا من زمان وبتحبنا وبتحب عيالنا زي عيالها يعني عايزه الخير لينا ومش هتضرنا وكلامها كله صح واكبر دليل علي كده احساسك انك مرتاحه بعد صلاه الاستخارة بس بردو مش هنستعجل هصلي الاول صلاه استخاره واسال عنهم وبعدين نقول البنات وهما يقرروا براحتهم
ام مراد يعني انت مبدايا موافق
ابو مراد اه وليه لا
ام مراد ظروفهم مالهمش حد خالص
ابو مراد ما قلتلك ام سليم كلامها صح الشباب دي فقدت الاهل في صغرهم وتعبوا كتير في حياتهم وعايزين يعيشوا ويبدوا حياه جديده يبقي نقف جمبهم ونساعدهم يبقوا احسن ولا نقف في طريقهم ويتصدموا انها مرفوضين من الكل من غير ذنب والله اعلم ساعتها هيعملوا اي ممكن ينهاروا ويتعاطوا حاجه ويتدمروا ساعتها ذنبهم هيبقي في رقابتنا يبقي حرام علينا لو سالنا عليهم في المطعم وطلعوا كويسين زي ما ام سليم بتقول مع ان واثق في كلام ام سليم علي اخلاقهم يبقي المانع نكسب ثواب فيهم
ام مراد بضيقاللي تشوفه
ابو مراد اسمها اللي نشوفه دول مش بناتي لوحدي دول بناتنا وحقك تبقي راضيه وتفرحي بيهم
ام مرادنسال عليهم الاول ونشوف راي البنات ساعتها يبقي يحلها الحلال
ابو مراد ماشي خدي وقتك
تاني يوم ابو مراد راح سال علي حازم وباسم في المطعم والكل شهد باخلاقهم واحترامهم لانهم شغالين في المطعم بقالهم كتير فكانوا معروفين ابو مراد رجع صلي استخاره وحس انه مرتاح حكي لمراته اللي حصل ونادي للبنات ومراد عشان يقولهم
حنينخير يابابا 
بسنت اي سر التجميعه الحلوه دي 
مراد اكيد في حاجه مهمه لازم نعرفها اتكلم يا بابا
ابو مرادحكالهم كل اللي حصل امبارح في مقابله ام سليم وكلامه مع امهم