عشق الكبرياء
وقال من عيونى
مريم طلعت وحطت أيدها على قلبها واڼهارت من العياط
_ازاى حصل كده ازاى يتجوز وانا كنت مفكره انه مش هيقدر يبص لوحده من بعدي بس كنت غلطانه
مسحت دموعها وقالت وانا زعلانه كده ليه انا بحب خطيبي
قالت پخوف معقول بحب مراد
ثم قالت بتردد لا لا اي التخريف ده مستحيل يحصل كده
رجعت شعرها لوراء وركبت عربيتها ومشت
نغم قاطعته وقالت عشانها مريم
ابتسم وقال شاطره
نغم مسكت في جاكيت مراد وقالت بعصبية انت قولت اي فين وعودك ليا
مسك أيدها وقال الفلوس اللى اتفقنا عليها هتروح لوالدك لحد البيت وعلى الحدود اللى قولتلك عليها مټخافيش اللى حصل مش هيتكرر
_وانا مش هسمحلك تعمل كده تانى
نغم زقته وقالت وانا مش هسمح لواحد زيك يعمل حاجه فيا
مراد مسك ايد نغم جامد اوى وقال وانا هوريكى هعمل اي
نغم حاولت تفلت أيدها لكن معرفتش وقعدت تزعق وتقول مراد سيب ايدي مراد انا مش بهزر
طلع على الاوضه وزق نغم على السرير وفتح الدولاب
وطلع
قال بكل خبث البسي ده
قعد على الكرسي وقال بكل برود معاكى عشر دقائق
_وانا مش لابسه القرف ده
_واحد ٠٠٠٠اتنين ٠٠٠٠٠ثلا
نغم خدت الهدوم ودخلت الحمام عالطول
بعد مرور ربع ساعه خصوصا في منزل منير الهواري
حور نزلت من العربيه وثريا كانت واقفه برا
_ماما
ثريا جرت على حور وقالت حور
هزت رأسها والدموع كانت نازله من عينها وقالت نغم نغم
حور بعياط نغم اتجوزت يا ماما
تلك الكلمه نزلت على ثريا كالصاعقة
_حور انتى بتقولى اي
حور حضنتها عالطول وقالت بعياط اتجوزت يا ماما ضحيت بحياتى عشانها وفي الاخر اتجوزت
ثريا كانت في حاله صډمه ومش مستوعبه كلام حور
_اتجوزت يا ماما
منير كان واقف بعيد وقال نغم اتجوزت
حاس بضعف وقال مش هتفرح في حياتها خالص ده اتجوزت الشيطان نفسه
حور خاڤت اوى على نغم حين قال منير على مراد شيطان
_بابا انت بتقول اي
منير بعصبية اللى اتجوزته نغم بيحب واحده تانيه وواخدها وسيله عشان يجرح التانيه بنتى هتبقا ضحيتهم
ثريا راحت عند منير أيضا وقالت روح هات بنتك يا منير
ثريا بزعيق يعنى اي بنتى هتبقا في چحيم من النهارده
حور حطت ايدها على كتف ثريا وقالت ماما اهدي الجيران هتطلع كده
_اهدا ازاى يا حور مش سامعه ابوكى قال اي
_ده قرارها يا ماما
منير دخل جوا وحور خدت امها ودخلوا
في فيلا مراد الالفي خصوصا في غرفته
نغم طلعت من الحمام ومراد كان ماسك سېجاره وقال هي ده طبيعتك وبلاش تحلمى بالرفاهية
نغم وقفت ومراد قام وقال شايفه وشك ده
بصت في المرايا وهو قال عايز الفيلا الصغيره ده زي وشك بالظبط
الدموع نزلت من عينها وهو خد الجاكيت وقال انا طالع عايز اجى القي الغدا جاهز غير الفيلا اللى هتكون زي وشك بالظبط
_حيوان
مراد طلع ونغم اڼهارت من العياط وبصت على الهدوم اللى لابسها كانت لابسه لبس خدامين
بعد شويه نغم نزلت ودخلت المطبخ
فهى شاطره جدا في الطبخ
نغم نست أنها في چحيم تلك المتكبر وبدأت تجهز الاكل
في قصر عائله السيوفي
عفاف كانت قاعده وباين عليها التوتر اوى وفجاه حضر شيطانها لتقول غسان لو عرف أن حور طلعت من غير ما تقول لحد مش هيسكت
مسكت التليفون ورنت على غسان اللى اتاخر اوى في الرد
_رد بقاا
غسان كان في اجتماع
مسك تليفونه وقال ثانيه واحده
_خد راحتك يا بيه
غسان راح على جنب وفتح التليفون وقال في اي يا ماما انا مشغول اوى
_غسان حور
غسان بخضه غريبه جدا مالها
_طلعت يا ابنى بسالها رايحه فين زقتنى ومردتش عليا
غسان بشك حور
عفاف بتمثيل شكلك مش مصدقنى طب أسأل ابراهيم وهيقولك اللى حصل
_هي جنبك
_بقولك زقتنى وطلعت
غسان بعصبية طلعت
عفاف ابتسمت وقالت معملتش حساب ليك وطلعت ولا اكنها مش متجوزه
غسان قفل التليفون وعلامات الڠضب ظهرت عليا غير عروقه اللى برزت من شده الڠضب اللى سيطر عليا
_غ غسان بيه
غسان خد الجاكيت وقال انا لازم أمشي عن اذنكم
قاموا وقال أحدهم والصفقه يا بيه
_بكره أن شاء الله
هز رأسه وقال تمام يا بيه
في المساء خصوصا في منزل منير الهواري
حور بصت في الساعه وقالت اتاخرت اوى
_ماما انا لازم أمشي
منير بص لحور وقال استنى هوصلك
وقتها الابتسامه اترسمت على وشها
منير قام وخد مفتاح الموتوسيكل وقال يلا يا بنتى
حور مسكت منير من دراعه وقالت انا اسفه
منير حط ايدو على خدها وقال انا اللى اسف يا بنتى كان لازم افهم انك عملتى كده عشان اختك
حور حضنت والدها وقالت بعياط مش قادره يا بابا مش قادره
ثريا قامت وحطت أيدها على شعر
حور وقالت مالك يا بنتى حد مزعلك هناك
حور افتكرت أفعال تلك المغرور غير عفاف التى لم ترحب بيها أبدا منذ قدومها
مسحت دموعها وقالت انا كنت زعلانه من نفسي اوى وكنت خاېفه تفضلوا زعلانين منى طول العمر
خدوها في حضنهم
ثريا بصت لمنير اللى هز رأسه وابتسم
قاطع تلك اللحظه المليئة بالحب والحنان والمشاعر الصادقة جرس الباب
منير بعد عن حور وقال مين ده
_انا هروح افتح الباب
ابتسم وحور فتحت الباب فعلا وقالت پصدمه عمو ابراهيم
_غسان بيه منتظر حضرتك
حور پخوف واضح جدا هو هو هنا
هز رأسه وقال البيه في القصر وبعتنى عشان اجى اخدك
بتسالوا غسان عرف ازاى واضحه يعنى حور مش هتروح الا لأهلها ٠٠٠٠
حور دخلت وقالت انا لازم امشي
_طب يلا يا بنتى
_لا يا بابا عمو ابراهيم برا
_اتفضل يا ابراهيم
_الله يكرمك مره تانيه أن شاء الله
_ان شاء الله
حور حضنت أمها وقالت متزعليش من نغم اكيدا في حاجه وراء اللى عملتوا
منير بص لتحت عالطول فهو مدرك جدا ليه نغم عملت كده
حور راحت عند والدها وقالت انا عارفه ان نغم غلطانه بس اكيدا عملت كده لسبب وسبب كبير كمان
ابتسم وقال غلط يا حور اللى عملتوا غلط وكان في مليون طريقه غير ده
_متزعلش يا بابا وانا واثقه أن نغم عملت كده عشانكم ازاى مش عارفه
حط ايدو على خدها وقال خدي بالك من نفسك
حور هزت رأسها وقالت يلا السلام عليكم
منير وثريا برد واحد وعليكم السلام
حور طلعت وركبت فعلا
_اطلع يا مدام
حور هزت رأسها وإبراهيم طلع فعلا
ماذا ينتظرك يا أيتها الفتاة البريئة
عند نغم
روقت الفيلا وبقا شكلها حلو اوى ودخلت المطبخ عشان تجهز الاكل
بدأت تحط الاكل على السفره واخيرا خلصت
نغم خدت نفس عميق وقالت بارهاق انا عمري ما اشتغلت جامد كده
نغم بصت على الباب اللى بيحاول شخص ما فتحوا
بلعت ريقها وقالت پخوف ح حرامى
مراد فتح الباب ودخل وقتها نغم اطمنت نوعا ما
مراد بص حواليا وقال طلعتى ست بيت شاطره
نغم_________
مراد بص على السفره وقال اي ده
نغم بصت ليا وقالت ببرود انت شايف اي
قلع الجاكيت وحطه على الكرسي وقعد
_هتفضلى واقفه كده كتير
_مش جعانه
مراد بصوت يشبه فحيح الافاعى اقعدي
نغم خاڤت اوى من نبره صوته وقعدت عالطول
مراد بدأ يأكل ونغم قالت عايزه اروح المدرسه
مراد_________
مسكت الشوكه جامد اوى وقالت بقولك عايزه اروح المدرسه
لم يرد عليها وهي بدأت تتعصب من تلك المتكبر
نغم بنفاذ صبر مرااد
بصلها وقال مراد بيه اسمى مراد بيه انتى هتنسي نفسك ولا اي
_عايزه اروح المدرسه
_بصي انا لما بكون باكل ممنوع تتكلمى
نغم قامت وزقت الكرسي برجلها وقالت بعصبية بقولك عايزه اروح المدرسه
مراد قام وخد الجاكيت وطلع على اوضته
بدأت تاخد شهيق وزفير وكانت مټعصبه اوى
بعد شويه
نغم طلعت فوق وكانت متردده تدخل غرفه تلك المتكبر
فتحت الباب براحه جدآ ودخلت
الأخري طلع من الحمام وكان لافف منشفه على خصره
_بتعملى اي هنا
نغم بصت لتحت عالطول وقالت انا هنام فين
مراد بتريقه في حضنى
رفعت عينها لمستوي مراد وقالت باستغراب نعم
وقف قدام المرايا وقال بكل برود انت هنا اي
نغم__________
مراد راح عندها وقرب منها اوى لدرجه خده تلامس خدها
مراد بهمس حضرتك خدامه هنا ومن الطبيعى هتنامى في اوضه الخدامين
بصت في عيونه وبدات تتنفس بسرعه
بعد عنها وقال جنب المطبخ هتلاقي اوضه
ثم كمل ومن النهارده هتكون اوضتك
نغم بارتباك انا انا بخاف انام لوحدي
مراد ابتسم بخبث وقال امال عايزه تنامى فين
_هنا
مراد بكل برود أعصاب لا
_ارجوك هنام على الكنبه ولا على الارض انا بخاف انام لوحدي
_مش هكرر كلامى كتير
نغم راحت عند مراد والدموع امتلئت عينها وقالت بتوسل ارجوك انا بخاف اوى
بص في عينها اللى حرفيا شعر بالضعف قدام تلك العيوان التى تشبه البحر الازرق
_مراد بيه ارجوك
مراد______ ربما سرح في جمال عينها
نبضات قلبها ازدادت اوى وربما كانت مسموعه
بص في عينها اللى حرفيا عامله ليا دوخه ودوران
_مراد بيه
مراد باستسلام موافق
نغم ابتسمت ووقتها مراد مقدرش يسيطر على نفسه وزقها وقال فنجان قهوه
نغم طلعت عالطول والاخري حط ايدو على رأسه وقال مش تفاصيل صغيره كده يا مراد تخليك ضعيف قدامها
مراد طلع شورت جينز وقميص ابيض ولبسهم ونزل
نزل تحت وقال خدامه
كانت واقفه في المطبخ واول ما سمعت مراد بيقول كده مسكت كوبايه وكسرتها بكل عصبيه
نعم من صفات نغم العصبيه لا يستطيع احد ان يسيطر على عصبيتها
مراد اول ما سمع صوت حاجه بتنكسر راح المطبخ وحط ايدو على الحيطه وقال اي اللى عملتى ده
_انا شايف اي
نغم هزت رأسها وقالت اه شايف اي
مراد بتريقه واحده مجنونه محتاجه علاج فورا
_انت شايف كده
مراد ابتسم على تلك المجنونه التى اتحولت إلى واحده عصبيه جدآ
_انت بتضحك على اي
مراد مسك من نغم السکينه وقال كده غلط وبلاش تلعبي مع مراد الالفي
نغم شدت مراد من لياجته قميصه وقالت انا مش خاېفه منك واعمل اللى انت عايزه
مراد باس نغم من خدها وقال بتحذير كلمه واحده هعمل اكتر من كده
نغم زقت مراد عالطول وسرعان اتحولت إلى الفتاه الضعيفه
_انا برا القهوه تيجى فورا
هزت رأسها وقالت بارتباك ح حاضر
مراد مشي ونغم حست پخوف شديد وقالت ده طلع كداب قالى هيكون بينا حدود وعمال يتعدا الحدود ده من اول ما اتجوزته
في قصر عائله السيوفي
حور نزلت من العربيه ودخلت القصر
كان قاعد بكل
جبروت وقال بصوت حاد جدا كنتى فين
حور وقفت مكانها وقالت كنت عند بابا
_اخدتى إذنى
بصت لتحت وقالت كنت مستعجله
غسان قام وراح عند حور اللى كانت خاېفه اوى
_ومستعجله ليه
حور بصت في عيونه وقالت بجرأة أمور عائلية
_اممم امور عائليه قولتى
بلعت ريقها وغسان قال ازاى ماما تسالك رايحه فين تزقيها ومترديش عليها
حور ضمت حواجبها وقالت اي
غسان مسك أيدها جامد اوى وقال قولت اللى سمعتى
حور بعياط والله ما عملت كده
زقها وقال يعنى ماما كدابه
حور بصت لتحت وقالت انا مقولتش أنها كدابه بس ده الحقيقه
_اللى عملتى هتتعاقبي عليا واشد العقاپ
_وانا بقولك الحقيقه
غسان بص على
