بعد ماخلفت منه الاربع بنات
انت في الصفحة 1 من 6 صفحات
بعد ماخلفت منه الاربع بنات
حكمت عليه بالنوم تحت السرير
علشان....
وقبل ما نبدأ حكايتنا اعرفكم على بطلتنا اسمها هند عندها 28 سنة متجوزة ومعاها تؤام
وفي يوم كانت قاعدة مع اختها سماح وقالت لها
سماح
والله يا هند انتي معاكي راجل ابن حلال مصفي ابراهيم جوزك ده مفيش منه ده كفاية انه بيسمع كلامك في كل حاجة بتقولي له عليها ربنا يخليهولك
ياختي بلا نيلة ده معيشني في فقر هي دي عيشة دي ياسماح ياختي
سماح
مالها العيشة ياهند مشاء الله اديكي ربنا رزقك ببنتين تؤام وحامل تاني اهو عايزة ايه من الدنيا بقا تاني احمدي ربنا ياهند ومش تتبطري على النعمة اللي معاكي
هند
بقولك ايه ياسماح انا ياختي حمداه وشكراه بس انا بقول اني عايشه في اوضة اد الحق اهيه وامه وأخوه عايشين في الشقه الواسعة ده انا بقوله يخليهم هما يطلعو يعيشو في الاوضة واحنا نعيش في الشقة مش راضي ابدا ياختي اسكتي بلا هم
ماهو مش هينفع برضو ان الوليه امه تسيب شقتها وتيجي تعيش هنا لا طبعا ملكيش حق تقولي له كده ياهند
هند
خلاص مش قايله ولا عايدة قال رضينا بالهم والهم مش راضي بينا انا هاقول ايه غير الله يسامحة ابوكي هو اللي جوزني الجوازة دي
سماح
انتي شكلك كده شايلة ومعبية على الآخر ياهند
هند
انتي عارفه كويس اني كنت عايزة اتجوز امجد اخوه بس هتقولي ايه لابوكي اللي فرح با إبراهيم اول لما شافه كأني كنت بايرة
ابوكي عمل كده عشان مصلحتنا انتي عارفه الحرباية مراته مكنتش بطيقنا وتشوف العما ولا تشوفني انا وانتي فقال يجوزنا بسرعة عشان يخلصنا منها
هند
منها لله دخلت بيتنا وخربته ربنا ينتقم منها
وفي الوقت ده دخل إبراهيم جوزها وقال
سلام عليكم ازيك ياسماح منورة عندنا هنا
سماح
ده نورك يا ابراهيم تسلم ياخويا
إبراهيم
اومال محمود عامل ايه ومجاش معاكي ليه ده وحشني اوي
معلش بقا يا ابراهيم اصل انا جيت وهو في الشغل بس ان شاء الله هنبقا نيجي انا وهو يوم تكون انت فيه اجازة
إبراهيم
طيب سلمي لي عليه كتير ياسماح
سماح
يوصل ياخويا فوتكم بعافيه بقا مش عايزة حاجة ياهند انا همشي وهبقا اعدي عليكي تاني يلا سلام
ومشيت سماح وهند قالت لإبراهيم
عملت ايه في اللي قولت لك عليه يا ابراهيم اتكلمت مع امك ولا لسه
انا مش فاهم بس انتي عايزاني اعمل ايه ياهند ازاى بس هاقول لأمي تطلع تعيش في الاوضة وتسيب شقتها ازاى
هند
زي الناس يا ابراهيم جرا ايه هو انت يعني مش شايف بعينك اللي احنا عايشين فيه دي الاوضه مبقتش مكفايانا انا وانت وبناتك التوأم دول ده غير اني حامل تاني
إبراهيم
معلش ياهند استحملي شوية عشان خاطري وبعدين انتي عارفة انا لو كان بأيدي كنت جبت لك الدنيا كلها تحت رجلك انا عمري ما قولت لك على حاجه لا
يامراري انا هفضل مستحمله لحد امتى بس اوعي كده من وشي خليني اطلع اشم شوية هوا انا نازلة عند امك لو العيال صحيت ابقي نادي عليا وابقي سخن لك الاكل وكل
وسابتة هند ونزلت عند حماتها وشافت امجد وقالت له
هند
ازيك يا أمجد انت قاعد لوحدك ولا ايه اومال حماتي راحت فين مش شايفاها
امجد
امي نزلت لحد خالتي وزمانها راجعة ياهند انتي كنتي عايزة حاجة ولا ايه
هند بدلع
انا لا ابدا انا عايزة سلامتك انا بس كنت نازله اقعد معاها شوية واشتكي لها من ابنها إبراهيم اخوك
امجد
ماله ابراهيم عملك ايه بس مزعلك ولا ايه
هند
مزعلني بس يا أمجد ده علطول منكد عليا ومخليني زعلانة وحزينة على حظي
معاه
