نيران عايزه اطلق
نديم دخل اوضته وكأنه كبر مېت سنه .. قعد على السرير ودموعه بتنزل بصمت .
الممرضه دخلتها وقالتها تخرج وتسيبه يرتاح شويه .. وهى اتفاجئت انها نامت الفتره دى كلها خصوصا بعد ما الممرضه قالتلها الساعه بقت كام .. تبصله بزهول وتنادى للممرضه بسرعه
نيران بصى
الممرضه لقيته ماسكها وللاسف الدكتور مكنش موجود عشان يكشف عليه .. تاخد كشاف النور وتشوف عينه هى وتلاقى لسه مفاقش
نيران تحرك راسها بمعنى تمام وتحسس على شعره بهدوء وتخرج مع الممرضه
كل العيله روحت البيت وتقريبا المستشفى بقت فاضيه تماما لان وقت الزيارات خلص .. تفضل قاعده فى الريسبتش وماسكه مصحف وبتقرأ قرأن وبتدعى لادهم .. يعدى الوقت .. ادهم ابتدى يتنهد جامد ويعرق .. بيحلم بهيئه يوسف صاحبه .. وصريخه بدأ يرن فى ودنه وفجأه شافه بالكفن وشويه واقف ولابس ابيض وبيبتسمله وبيمدله ايده لكن ادهم جرى منه وفجأه اختفى وشاف مقبره .. يفتح عينه جامد وبقوه ويهمس باسم يوسف وهو قلبه مقبوض .. يبص حواليه فى الاوضه يكتشف انه فى اوضه العنايه ويفتكر الحاډثه .. انفاسه بدأت ترجع للسكون ويهدى .. الممرضه دخلت تطمن عليه لقيته مفتح عينه وبيبصلها .. تفرح وتجرى تتصل بالدكتور اللى وصل فى خلال دقايق لان بيته جنب المستشفى بالظبط .. الدكتور فحصه ولاقاه فاق لكن محتاج يفضل فى العنايه .. يخرج فى نفس الوقت اللى نيران كانت جايه فيه وهنا نيران اول ما شافته افتكرت
الدكتور انا مقولتش ان ادهم ماټ .. كنت بتكلم على صاحبه اللى كان معاه
نيران پصدمه يوسف
الدكتور ايوه
نيران اضايقت وحست بالزعل عليه ودعتله بالرحمه وخاڤت من رد فعل ادهم لما يفوق ويعرف
الدكتور بشمهندس
ادهم فاق لكن هيفضل ...
تقاطعه نيران وهى غير مصدقه مين فاق
نيران باصاله ومش سمعاه تماما حست بفرحه غير عاديه وحست انها بتحلم او تهيئلها انها سمعت انه كويس وفضلت تلح على الدكتور وتسأله وبرضو مش مستوعبه انه فاق الدكتور يسيبها ويمشى وهى تجرى على العنايه تبص عليه من بره تلاقيه مفتح عينه نص فتحه والتعب باين جدا عليه والممرضه جنبه بتديله ادويه تستند على الباب وتضحك بفرحه وترجع للاوضه اللى بتصلى فيها وتسجد شكر لربنا
نديم حس بالحزن تانى يرجع يقف بعيد عشان ادهم ميلاحظش عليه
امجد بتوهان كويس .. المهم انت عامل ايه
ادهم الحلم بتاع مۏت يوسف ملازمه وكل ليله بيحلم بيه باصصله ومبتسم وللاسف مش قادر ينسى اللحظه اللى فاق فيها بعد ما شافه بالكفن ومدله ايده لكن ادهم بعد عنه
ادهم بشك انتو مخبين عليا حاجه !!
ادهم يفتكر ان جده ماټ يغمض عينه بۏجع لكن للاسف حاسس بۏجع اكبر مش عارف مصدره ومش مرتاح خصوصا ان العربيه نص النقل خبطتهم من ناحيه باب يوسف وهو اتأذى اكتر منه بمراحل ومش قادر يستوعب ان يوسف كويس لكن يسكت وميسألش تانى
يعدى الوقت العيله كلها مشيت وانتصار اتغيرت نظرتها فى نيران تماما واتأكدت
انها بتحب ابنها وكذلك قاسم وبقوا يعاملوها بلطف وعشان كده بتسيبها هى معاه ترعاه لانها لاحظت الخۏف الحقيقى فى عينها .. كلهم مشيوا والممرضه فتحتلها ستاره فى نفس اوضه ادهم كان فى سرير صغير جدا ورا الستاره ودا اللى بينام فيه المرافق اللى مع المړيض
الممرضه التلفون اللى جنب الباب دا لو حصل اى حاجه للمريض تدوسى على الزرار الاحمر هرد عليكى سواء حصل حاجه او عندك استفسار والصبح الدكتور هيجى يطمن عليه وانا هاجى على الفجر اديله ادويته وانتى على ١٢ كده اكليه واديله البرشام دا بس الباقى عشان حقن ومحتاج محاليل فلازم اديهاله بنفسى
نيران بتفهم تمام
الممرضه لسه هتمشى توقفها نيران
نيران هو عادى ياكل اى حاجه
الممرضه لا ممنوع طبعا ف حافظه الطعام دى اكل المستشفى بتاعه بتاع الغدا لانه لسه مكلهوش .. يقدر ياكله
نيران تمام فهمت
الممرضه تسيبها وتخرج ونيران تقفل الباب عليهم تلف وتبصله تلاقيه متابعها بعينه .. تحس بتوتر لانها اول مره تكون معاه لوحدهم بعد ما فاق .. ادهم باصصلها وعلى رغم انه مستغرب لهفتها ووجودها جنبه .. مفيش يوم مكانتش موجوده فيه من بعد ما فاق .. لكنه فرحان نوعا ما ..
نيران حاسس انك احسن
يشاورلها براسه بمعنى اه ويفضل ساكت .. نيران تسيبه وتروح تقعد على السرير وتسيب الستاره مفتوحه عشان لو حصله حاجه تحس بيه .. يعدى الوقت .. ادهم يفتكر جده ودمعه نزلت من عيونه لكن يمسحها بسرعه قبل ما نيران تاخد بالها .. يتنهد ويوسف مش بيروح من باله وكأن روحه محاوطاه .. يدعيله يفوق ويقوم بالسلامه .. نيران بتتابع الوقت .. لقت الساعه ١٢ .. تقوم وتفتح حافظه الطعام وتجس الاكل تلاقيه دافى .. تحطه فى طبق وتروحله .. الاكل عباره عن شوربه وفراخ ورز .. تجيب التربيزه بتاعت الاكل تحطهم وتقرب عليه
نيران اتعدل عشان اكلك
ادهم مش قادر
نيران معلش عشان تاخد الدوا
ادهم بجد مش هقدر اكل ...
تقاطعه نيران بابتسامه حبيبى عشان خاطرى
ادهم مخه وقف للحظه .. هى قالت ايه ! .. يبصلها يلاقيها مبتسمه ومستغرب جدا تصرفاتها .. اما نيران فحبت تهاوده لحد ما ياكل ..
نيران تضحك وبعدين معاك بقى .. ارفع نفسك واطلع فوق شويه .. ضهرى اتقطم
ادهم يبتسم ويتعدل.. تظبط قعدته وتدخل تربيزه الاكل قدامه وتبصله
ادهم مش عاوز بجد
نيران تتجاهل كلامه وترفعله المعلقه قدام بقه وهو يبصلها ويرفع حاجبه
نيران دى وبس
ادهم بطلى عند قولت مش عاوز
نيران تبصله ببراءه هتكسف ايدك حبيبتك .. ينفع كده !
ادهم حاسس انها مش نيران ومش متخيل انها هاديه وبتقول كده وبتهاوده .. تبص فى عينه مباشره بنظره كلها
حب وهو مجرد ما بص فى عينها الكون وقف من حواليه وغرق فى سحر عينها اللى بيعشقها .. ت
نيران بالشفا ياروحى
ادهم افهم من اللى بتعمليه دا ايه
نيران هو ايه !
ادهم على اساس انك مش واخده بالك يعنى
نيران بدلع تو تو مش واخده بالى
ادهم بصوت عالى نسبيا نيران
نيران تبصله عيون نيران
ادهم هيتجنن لانه واثق انها بتعمل كده لغرض معين ودى مش طبيعتها ابدا
ادهم قولى عاوزه ايه .. مش محتاجه التمثيل دا كله
بعدين انت جوزى ..
مين يعنى
ادهم باصصلها وحاسس پصدمه من كلامها ومش قادر يصدق انها كده بتتصرف طبيعى .. تقرب وتبوس دماغه وهو متابعها وحاسس انه هيتشل من الفرحه والصدمه فى نفس الوقت
نيران بجديه انا عاوزاك وبحبك مش عاوزه شغل مش عاوزه فلوس مش عاوزه عيله مش عاوزه اى حاجه .. مستعده ابيع اى حاجه فى الدنيا عشانك .. انا اتأكدت انك اهم شخص فى حياتى .. كفايه صراعات وۏجع قلب وحروب عمرنا بيضيع مننا ياادهم .. انا مش هنكر اللى بحسه معاك تانى .. انت الشخص الوحيد اللى قلبى عاوزه وعايش بيه .. لما حصلت الحاډثه انا مكنتش عايشه والله .. روحى اتسحبت منى .. انا مش عاوزه اخسرك او ابعدك عنى تانى .. انا بحبك
بتبصله فى عينه وكل كلمه قالتها عينها بتأكدها .. ادهم مشاعره مختلفتش عنها .. فى قربها بيحس بالحياه .. ساب عيونه هى اللى تتكلم وتقولها احساسه .. الاوضه ضاقت عليهم والاتنين مش شايفين الا بعض وكأن الدنيا حواليهم ضلمه وهما بس اللى ظاهرين
ادهم وانا ملكك وبين ايديكى وعمرى ما هسيبك تانى او ابعدك عنى مهما حصل ..
نيران ياحبيبى بقالك شهر على الحال دا .. انا مقدره هو بالنسبالك كان ايه بس زعلك واكتئابك دا هيأثر على صحتك انت بس .. عشان خاطرى انا عاوزاك تبقى كويس ...
يقاطعها ادهم انا خدت قرار
نيران تبصله باستغراب وهو سكت شويه ومش عارف يقولها قراره ازاى وهى ابتدت تقلق من صمته .. واخيرا اتكلم
ادهم هسافر انجلترا خلال يومين .. ومش عارف الوقت اللى هاخده قد ايه بس لازم اسافر ضرورى ..
نيران تبعد عنه للحظه وحست انه ممكن يسيبها تانى .. لسه هتتكلم يقاطعها.. وهاخدك معايا
نيران باستغراب مش فاهمه ! .. هتستقر هناك يعنى
ادهم لا .. هعمل شويه حاجات وارجع .. لكن احتمال اطول
نيران بتفكير بس شغلى متوقف بقاله اكتر من شهر من ساعت الحاډثه بتاعتك و...
يقاطعها ادهم تانى يا نيران تانى ! .. هتسيبينى عشان المشغل اللى بتشتغلى فيه
نيران استغربت انه افتكرها هتسيبه وبرضو استغربت اكتر من كلمه المشغل ! .. هو كل دا فاكرها لسه فى المشغل !!
نيران مشغل ! .. اولا انا مبشتغلش فى المشغل انا بقى ليا شغل خاص .. ثانيا ودا الاهم انا مقولتش هسيبك .. بس على الاقل تأخر السفر شويه لان فى ايفنت متأجل بقاله كتير وضرورى يتعمل
ادهم مخدش باله من كلمه ايفنت او لهجتها فى اللغه الانجليزيه .. هو ركز فى شغل خاص
ادهم وياترى شغلك الخاص دا عباره عن ايه
نيران بشتغل فى التصميم والملابس .. وبالاخص فساتين السهره والسواريه واحيانا الزفاف بس دا لو اطلب مخصوص
ادهم عجبه نوع شغلها ومجاش فى باله خالص انها ممكن تكون صاحبه البرند اللى بينافسهم
ادهم بتفهم تمام .. وانا سبق وقولتلك مليش علاقه بشغلك وانتى حره فيه .. لكن ممكن افهم انتى ليه مش عاوزه تسافرى معايا !
نيران لان المفروض كان فى عرض ازياء فى نفس يوم الحاډثه بتاعتك واعتذرت عنه انا ومريم لانى مقدرتش احضر طبعا ورجعت القاهره .. فبقاله كتير متأجل و..
يقاطعها ادهم بزهول عرض ازياء ! .. وسفر ..
