بعد ماجوزي رجع شغله

بيقول
انا مبقاليش ايام متجوز وكل الجنان ده طلع فجأة انا حقيقي بقالي كام يوم في حاجة جوايا بتقولي ابعد عنها وانها غلطة حتى مبقتش عايز اقربلها او حتى طايق اشوفها ومع الوقت اهي اتأكدت واحساسي طلع صح
قال كل الكلام ده وسابنا ونزل!!, لقيت نفسي بدون شعور بعيط ووقعت بجسمي كله الارض من الصدمة لقيت امي بتسندني عشان أقوم وهي بتقولي
اكيد يا بنتي في حاجة غلط اكيد طليقته عملالك عمل انا هجيب لك حد يشوفك عشان يقولنا ايه سبب اللي بيحصل لك ده
خلصت كلامها وحسيت ان بطني بتتقطع!!, مغص غريب وممېت تتبعه نزي ف وكنت حاسة ان روحي بتتسحب مني!!,

امي فضلت تصرخ والجيران اتجمعوا واخدوني وودوني المستشفى وكان التشخيص ان حصل لي نزي ف في الرحم ولازم امشي على كورس علاج معين ولو لقدر الله العلاج مجبش نتيجة هيكون فيه تدخل جراحي واستئصال للرحم!!!
حسيت في لحظة ان حياتي فجأة اټدمرت!!, كل حاجة اتبدلت واتشقلبت في غمضة عين!!
قطع تفكيري كلام الدكتور وهي بتقول لماما
تقدري تاخديها وتروحوا بس لازم تمشي على العلاج كويس
واخدتني وروحنا ولما رجعنا البيت كلمت سامح اللي رفض يجي حتى يبص عليا وقال لماما
انا مبقتش عايزها شوفوا امتى وازاي نقدر نخلص من الموضوع افضل ليا وليها
ماما قفلت معاه السكة وبعدها اتصلت بحد واتفقت معاه على ميعاد انه يجي بليل وقالت لي
ده شيخ هيجي عشان يشوفك لاني متأكدة ان طليقة جوزك هي السبب في كل اللي بيحصل ده
عدى اليوم كويس وحسيت اني بقيت كويسة جسديا إلا إني نفسيا كنت لسه متأثرة بكل الأحداث الغريبة اللي بتحصل وحياتي اللي ما صدقت اتعدلت اټدمرت فجأة!!
وبليل جه الشيخ كان راجل في السبعينات وباين عليه الشيب والوقار قعد وطلب مني احكيله كل اللي حصل بالتفصيل وبعد ما خلصت كلامي معاه قال بعد ما اتنهد
بصي يا بنتي الموضوع مش سهل نهائي بس قبل ما اقولك تعملي ايه انا عايز اروح شقتك مرة وبعدها هقدر اقولك الحل بكرة هجيلك تاني الضهر ونروح شقتك
خلص كلامه وقام مشي وانا كنت لسه مرهقة ودخلت اوضتي عشان انام وبمجرد ما غمضت عيني حلمت او شوفت نفسي في بلكونة شقة جوازي بس شايفة من بعيد باب الشقة مفتوح وطليقة جوزي واقفة ومعاها في ايدها سکينة وقطة وبدأت ټقتل القطة!!, واول ما الد,م سال منها الشقة ولعت!!, وكل ما كان الد,م يزيد الڼار تقيد أكتر وأكتر!! لحد ما الڼار بقت في الشقة كلها وبدأت تقرب من البلكونة ومني وأنا پصرخ وفجأة فتحت عيني على صوت أذان الضهر وامي جمبي وهي بتقولي
قومي يلا الشيخ قاعد مستنيكي بره قومت خدت دش ولبست بسرعة وخرجت له ونزلنا انا وهو وماما وروحنا لشقتي واول ما دخلنا بدأ
يقرأ حاجات وآيات من القرآن وبعدها قالي
في أي حاجة عايزة تحكيها تاني!!
فحكيت له على الحلم او الکابوس اللي شفته امبارح فأبتسم لي وقالي
في واحدة يا بنتي عاملالك عمل وغالبا زي ما حكيتولي ان هي طليقة جوزك وللأسف الموضوع كبير زي ما توقعت وهي عملاه عند حد ميعرفش ربنا ومسلط عليكي اعوانه من أسوء أنواع الجن واكترهم شړ بالمړض والدمار والربط والحل الوحيد انك متكمليش معاه ده افضل ليه وليكي للأسف مكنتش عايز اقول كده أبدا لكن استمراركوا مع بعض ممكن يفقدكوا حياتكوا ومتعرفيش الخير فين يمكن ده هو الخير ليكوا وكل واحد فيكوا يلاقي حياة افضل بعيد عن التاني
ساعتها لقيت سامح بيتصل بيا ولما رديت عليه قالي بدون مقدمات
احنا لازم ننفصل فعلا انا كمان هرجع لطليقتي ومش حابب أكمل معاكي ياريت ننهي الموضوع ده بسرعة وفي أقرب وقت ممكن
قفلت السكة ودموعي مالية عينيا وبلغت الشيخ باللي اتقال في المكالمة هز دماغه اني انفذ كلامه ورغبة سامح وأستأذنا ومشي وانا قفلت الشقة ورجعت انا وماما بيتها من تاني
معرفش ليه اول ما دخلت بيت ماما وبرغم كل اللي حصل وبيحصل ده حسيت براحة نفسية كبيرة ومش بس نفسية دي جسدية كمان!!, حسيت ان كل حاجة بتديني إشارة اني لازم انهي الموضوع ده واكيد ربنا هيعوضني بالأفضل في يوم من الأيام
اتصلت بسامح وقولتله أنا موافقة على اللي قولت لي عليه وطلبته منه زي ما هو طلب اننا نسرع الرتم شوية وننهي الموضوع ده فقالي بليل هجيب المأذون واجي لك
وفعلا اليوم ده عدى واحنا منفصلين وعرفت بعدها أنه رجع تاني لطليقته وانا بقيت احسن نفسيا وجسديا والدكتورة قالت لي اني بقيت كويسة والموضوع بقى بسيط ومش محتاجين اي تدخل جراحي ومن يومها فاتت سنة او اكتر ومحصليش أي مشاكل نهائي من بعد ما بعدت عنه
تمت
" العمل"
فهد حسن
الحكاية حقيقية أتمنى لو عجبتك تدعمني بلايك وشير