رواية الثلاثة يحبونها بقلم شاهندة سمير

ورحمة وإنتى يابشرى..دليلى كانت إبتسامتك اللى ظهرت تشفى فى بنت خالك يا بنت عمتى وفرحك باللى بيجرالها..دليلى كان فى نظرة من عمى صالح ليكى قالتلى أد إيه سقطتى من نظره بعد ما رحمة خليته متأكد إن كلامك كله كدب.
نفضت بشرى يدها بقوة قائلة بحدة
ضحكت عليه..أكيد ضحكت عليه..بس إزاي خليته يصدقها وإحنا كلنا زي ما قلت كنا شاهدين على اللى حصل زمان..مش ده يأكدلك إنها حرباية قدرت تعمل تمثيلية دخلت على الكل..وقدرت تتلون بلون الضعيفة وتكسب عطف العيلة بعد ما كانت منبوذة منهم..مش ده يأكد كلامى وفكرتى عنها.
زفر مراد ضجرا وهو يقول

الحاج صالح مش صغير ولا راجل أي كلام عشان يتأثر بتمثيلية
او كدبة..دليل برائتها كان قوى وإلا مكنش الحاج صالح هيسيبها وكان النهاردة هيبقى يوم بطعم الډم..كان هيروح فيه زينة شباب عيلة الشناوي وكل ده بسبب حقدك وغيرتك منها..كنتى هتفرحى لو جرالى حاجة..كنت هتنبسطى لو يحيي أو حد من ولاد الحاج صالح جراله حاجة
أطرقت
برأسها تتخيل لو بحر الډم..بس اللى باين أدامى دلوقت إن إحنا لازم نسيب البيت ..إنتى ورحمة مش ممكن تعيشوا فى بيت واحد.
رفعت إليه وجهها تقول بإستنكار
وليه إحنا اللى نمشى ما تمشى هي.
نظر إلى عيونها مباشرة وهو يقول بصرامة
لإن البيت ده بيت عيلة الشناوي ..يعنى بيت كبيرهم..وكبير عيلة الشناوي هو يحيي يا بشرى ...ولا إنتى مش آخدة بالك
ظهر الڠضب فى عيونها ليتجاهله وهو يقول
أنا هروح أشوف شقتى اللى فى المعادى ناقصها حاجة ولا لأ..وهرجع آخدك عشان نعيش هناك..ياريت على ما أرجع تكونى جهزتى شنطنا .
ثم تركها مغادرا الحجرة..لتغلى هي من الڠضب..تدرك أن خطتها قد إنقلبت عليها فبعد ان ظنت أنها بمكيدتها ستصبح هي سيدة المنزل وسيدة قلب يحيي..أصبحت خارجهما إلى جانب أنها أصبحت منبوذة من عائلتها..فقد رأت نظرات الحاج صالح والسيدة آمال إليها قبل ذهابهما.
حتى لو بعدت..هفكرلك فى مصېبة وأرجعلك من تانى يارحمة عشان أخلص منك..وآخد مكانك وأبقى أنا ست البيت..ما هو ياأنا ياإنتى يابنت بهيرة.
دلف مراد إلى شقته فوجدها هادئة على غير العادة..فدائما ما تكون شروق جالسة فى الردهة تتابع مسلسلاتها التركية..فيجدها إما باكية أو هائمة مع حلقاتها..ليظل يمزح حول هوسها بتلك الحلقات الخيالية والتى تجعل البطل فارسا رومانسيا من الدرجة الأولى يتنفس فقط من أجل إسعاد حبيبته.. حقا ستتسبب تلك المسلسلات فى طلاق نصف النساء وعنوسة النصف الآخر..فالفتيات ساذجات وسيضعن أبطالها معيارا للمتقدمين لخطبتهم..فيفشل العريس وتفشل الزيجة بكل تأكيد..زفر فى حنق..فالمسئولون يجب أن يمنعوا عرض تلك المسلسلات على الفضائيات وإلا سيندمون.
إتجه إلى حجرة النوم وفتحها ليجد شروق نائمة ..عقد حاجبيها لنومها فى تلك الساعة المبكرة..ليتوجس قلبه خيفة أن تكون مريضة..أسرع إليها ليجلس بجوارها على السرير يهزها برفق قائلا بلهفة 
شروق..ياشروق.
إنفلجت عيناها الجميلتين ببطئ لتراه أمامها يطالعها فى قلق..لتفيق كلية وتتسع عيناها من المفاجأة مع ملامحها التى أشرقت لرؤياه ..لتقول بسعادة
مراد..إيه المفاجأة الحلوة دى
زفر مراد قائلا
خضتينى يا شروق ..أنا إفتكرتك تعبانة..ما هي غريبة
إنى ألاقيكى
نايمة فى الوقت ده.
إضطربت ملامحها وهي تقول بإرتباك
لأ ..ما هو أنا كنت فعلا تعبانة شوية وطلبت نهاد تجيلى ولسة نازلة من شوية.
عقد حاجبيه قائلا فى قلق
تعبانة مالكفيكى إيه
قالت بإرتباك
ها ..لا ..أبدا..شوية دوخة كدة وراحوا لحالهم خلاص.
نظر إليها بعتاب قائلا
حتى لو كانوا شوية دوخة يا شروق..تقومى تتصلى بنهاد..طب أنا روحت فين..متصلتيش بية ليه
أطرقت برأسها قائلة فى حزن
أنا عارفة إنك مشغول ومحبتش أعطلك أو أشغلك أكتر.
هو يقول بعتاب
إنتى مراتى ياهبلة..وتشغلينى فى أي وقت ..ده حقك.
نظرت إلى عيونه ..ېصرخ قلبها..هل أنا حقا لدي حقوقإن كنت كذلك فهل أستطيع أن أحتفظ بطفلى منكطال تأملها لملامحه ليبتسم قائلا
بتبصيلى كدة ليه ...وحشتك
تنهدت قائلة 
بتوحشنى وإنت قصاد عينى يامراد.
إتسعت إبتسامته و قائلا
ياجمال كلامك ياشروق.
إبتسمت شروق قائلة 
ده مش كلامى..ده كلام الست.
ضحك ثم نهض قائلا
عظمة على عظمة ياست.
إختفت إبتسامتها وهي تقول 
إنت رايح فين
جعد أنفه قائلا
للأسف مضطر أمشى .. أنا كنت بس جاي أطمن عليكى ..لإنى مش هقدر أجيلك اليومين الجايين دول..فيه مشاكل فى البيت..ومضطر أسيبه أنا وبشرى ونقعد فى شقة المعادى..وطبعا مش هينفع أسيبها الفترة الجاية لوحدها فى مكان غريب ..وأول ما تتأقلم هرجعلك تانى.
شعرت شروق بالإحباط والألم ..تتساءل هل سيتركها الآن وهي فى أمس الحاجة لوجوده بجوارهاو لماذا يترك منزل عائلة الشناويهل بسبب وجود مشاكل حقا بالمنزل كما قال..أم بسبب عدم إحتماله لرؤية رحمة كزوجة لأخيهلترجح بحزن هذا الإحتمال الأخير..أفاقت من شرودها على صوته وهو يقول بحنان
محتاجة حاجة يا شروق أجيبهالك قبل ما أمشى.
هزت رأسها نفيا دون ان
تنطق بكلمة..ليمد يده بجيبه ويخرج رزمة من المال وضعها على الكومود بجانبها 
أشوف وشك بخير.
إبتسمت إبتسامة لم تصل لعينيها ..ليغادر الحجرة تتبعه عيناها ثم ما لبثت أن إستمعت
إلى باب الشقة يغلق..لتترك دموعها الحبيسة تهبط بصمت..پألم.....بقلب يملؤه الحزن.
إستيقظت رحمة وعلت وجهها حمرة الخجل.. فترى ..ماذا سيظن بها الآن
رفعت رأسها قليلا تتأمل ملامح وجهه وهو نائم بعمق ..لتتردد لثوان ث تترك لنفسها حرية التنقل على ملامح إشتاقت إليها ..إبتداء من شعره الأسود الكثيف مرورا بج..ليفتح عينيه فجأة وتستقر نظراته على عينيها التى إتسعت فى صدمة 
لتتنهد وتكمل طريقها إلى الحمام..تعاتب أختها فى سرها..ېصرخ قلبها..مالذى فعلتيه ياراوية..لقد ألقيتينى فى چحيم مستعر..فإما ان أنكث بوعدى لك وأعترف له وأريح قلبى وإما ان اظل هكذا ..فى نظره خائڼة ..لا أستطيع الإقتراب منه..
وفى كلا الحالتين..أعيش فى جهنم..لتغلق الباب خلفها بهدوء..ويفتح يحيي عيونه ينظر إلى الباب المغلق بحيرة..يتساءل ..ماذا قصدت رحمة بكلمتها ..آسفة..هل تعتذر له على خيانتها بالماضىأم تعتذر عما تخفيه عنهأو ربما تعتذر عن عدم مبادلته مشاعرهأوجعه ذلك الإحتمال الأخير..ليغمض عينيه على دموع غشيتهم..قبل أن يفتحهما مجددا..وقد توقفت تلك الدموع وظلت حبيسة مقلتيه ..لينفض الغطاء عنه وهو يتجه إلى الدولاب يسحب ملابسه ويأخذها معه إلى خارج الغرفة هربا من آلامه......ومنها.
الفصل الخامس عشر
رن هاتفها وهي تضع لمساتها الأخيرة على زينتها ..لتجيبه قائلة 
أيوة يامجدى.
قال مجدى بعتاب
إتأخرتى علية أوى يا بشرى..إنتى مش قلتى مراد نزل من ساعتين وإنك هتلبسى وتيجى علطول.
إبتسمت قائلة
ما أنا فعلا عملت كدة.. يادوب لبست وجاية أهو ..مسافة السكة ياحبيبى.
زفر مجدى قائلا
طيب بسرعة يا بشرى..وحشتينى..هنت عليكى..تبعدى عنى الوقت ده كله 
إتسعت إبتسامتها الخبيثة وهي تنظر إلى وجهها بالمرآه تلف خصلة شعرها على سبابتها قائلة فى دلال
أعمل إيه بس..ما إنت عارف اللى حصلى ومرواحى للعيلة وبعدين رجوعى واللخبطة اللى حصلت..وكله كوم وقعاد مراد معايا هنا فى البيت كوم تانى خالص..خنقنى..لأ والباشا كان عايزنى أدخل المطبخ وأحضرله أكل..أنا بشرى الدرملى ..أقشر بصل واغسل اطباق وكوبايات وأعمل حاجات غريبة كدة..يرضيك يامجدى
قال مجدى بجزع
ده أكيد إتجنن..بقى إيديكى الحلوين دول يمسكوا بصل ويغسلوا أطباق ..أمال راحوا فين الخدامين
مطت بشرى شفتيها وهي تقول
ما أنا طبعا مسكتلوش ..وقلتله كدة..وهيجيبلى واحدة من بكرة.
إبتسم مجدى قائلا
قلتلك سيبك منه ..إتطلقى وتعاليلى وأنا احطك جوة عيونى وأقفلهم عليكى.
ظهر الحنق على ملامحها من إلحاحه عليها فى هذا الموضوع تلك الفترة الأخيرة ..حتى انها فكرت بقطع علاقتها معه ولكنها أدركت انها ربما تحتاجه..لتقول بمداهنة
مش قبل ما آخد فلوس عيلة الشناوي يا مجدى..الفلوس دى حقى ..واهو بالفلوس دى أدخل معاك فى مشروع القرية السياحية.. ونكبره ونعيش بقى.
تنهد مجدى قائلا
ماشى يابشرى..هستنى.. بس إعملى حسابك مش هستنى كتير..أنا بغير عليكى أوى..بمۏت لما بفكر إنك مراته هو ..ولولا إنى متأكد إن إنتى مبتحبيهوش..وهو ما بيحبكيش..كنت إتجننت.
زفرت بشرى فى ملل ثم قالت بحب زائف
وأنا كمان بحبك يامجدى..ومستنية اليوم اللى هكون فيه ليك لوحدك..يلا بقى شغل دماغك دى شوية خلينا نخلص من رحمة ونكوش ع الفلوس وأبقى ملكك.
إبتسم قائلا
عيونى ياحبيبتى..هشغل..بس يلا بقى تعالى..خلاص مبقتش قادر.
إبتسمت قائلة 
أنا جاية حالا.
ثم اغلقت الهاتف ..وهي تنظر إلى نفسها فى المرآه ..تلقى نظرة أخيرة على نفسها وهي تبتسم بثقة..تدرك تأثيرها على مجدى وحبه لها..تتمنى لو أحبها يحيي مثله..فمجدى كالخاتم بإصبعها..هي لا تريد يحيي أن يكون مثله خاتما بإصبعها او دمية تحركه كيفما تشاء..ولكنها
تريده عاشقا
مدلها فى حبها تريده كما هو تماما..بقسوته ..بحنانه..بكيانه هذا الذى يمنحه لتلك البلهاء رحمة..وستحصل عليه..نعم..يوما ما ستحصل عليه..وهذا اليوم تشعر به قريبا..قريبا جدا.
رحمة.
تجمدت فى مكانها لثوان..ثم إلتفتت إليه تطالعه ..ليقول بهدوء
أنا عايز أتكلم معاكى شوية.
إبتسمت
بسخرية قائلة
دلوقتى جالك مزاج تتكلم معايا وال ٣ أيام اللى فاتو دول واللى حضرتك نمت فيهم فى أوضة الضيوف..و إتجنبتنى فيهم وكأنى مريضة وهعديك..حتى السلام مكنتش بترده..وكل ده من غير ما أعرف أنا ذنبى إيه عملت إيه عشان تعاملنى بالشكل ده..أنساهم عادى كدةطب نسيت

كلامك اللى قلتهولى فى أول يوم عن إن محدش يعرف عنا حاجةأنساه هو كمان..زي ما نسيته انت
زفر يحيي قائلا
كنت زعلان من إنك طلبتى من الحاج صالح ان مشواركم يفضل سر بينكم..
نظرت إليه قائلة فى توتر
اظن من حقى يكون لى أسرارى.
قال لها فى عتاب
أنا جوزك يارحمة..حتى لو كان جواز ع الورق مينفعش يكون فيه أسرار ما بينا..ده غير إنى كنت محتاج أفكر بعيد عن اللخبطة اللى بتحصلى وأنا معاكى كنت برجع نفسى.
نظرت إليه قائلة بدورها فى عتاب
ورجعتها يا يحيي
قال يحيي وهو ينظر إلى عمق عينيها قائلا بإقرار
إكتشفت إن نفسى خدتها منى واحدة بعيون فى لون الدخان..وشعر إسود
زي الليل..ورغم إنها غيرت لونه بس لسة بيسحر قلبى كل ما نسمة هوا تعدى وتطيره..إكتشفت إن نفسى بقت ملكها من يوم ما شفتها..ومش ممكن هترجعلى إلا لو هي بنفسها رجعتهالى.
إبتلعت رحمة ريقها بصعوبة ودقات قلبها تدوى فى أذنيها من جراء كلماته..التى هي عبارة عن إعتراف لتكاد أن .تعترف له بكل شئ..ولكن تخليه عنها بالماضي وقف حائلا دون تصديقها لكلماته..لتنظر إليه ببرود قائلة
البنت اللى خدت نفسك منك مش موجودة هنا..نفسك اللى مليانة شكوك وتردد ولخبطة بعدتها..ياريت تشوف البنت دى راحت فين عشان ترجعهالك..لإنها أكيد مش أنا.
لتلتفت مغادرة بهدوء..تتابعها عيناه لينظر فى إثرها بشرود قائلا
إتغيرتى يارحمة وبقيتى بتعرفى تجرحى..انا
قدمتلك قلبى على طبق من دهب..مديتلك إيدى وسيبتيها من تانى..الظاهر إنى حبيت سراب..أو إن رحمة اللى أنا حبيتها موجودة جوة منك وفيه سر مخليكى ډفناها جواكى..لو موجودة بجد ..يبقى لازم تظهر من جديد وأنا هخليها تظهر..ولو مش موجودة وانا كنت مخدوع يبقى هبعد المرة دى للأبد..وده وعد منى ليكى.
لتظهر فى عيونه نظرة تصميم.....إمتزجت بالعشق.
دلف مراد إلى شقته بالفعل حين قارن زواجه بها بزواجه من بشرى وذلك البيت الذى حولته شروق حنانها وعشقها إلى واحة يشعر فيها بالراحة على عكس هذا الخړاب الذى يعيش فيه الآن مع زوجته بشرى فرغم فخامة شقتهما إلا أنها باردة فارغة ..لا حياة فيها ولا دفئ كهذا الذى يشعر به بين جنبات تلك الشقة البسيطة