هتدخلي عندها وهي نايمه
على عليا اوي ياختي ومبقتش شايفه
تهاني
خلاص هخلص الشغل هنا وانزل اعدي عليكي
سعاد
ربنا يخليكي ليا ياتهاني ياختي
وخرجت بالأكل عند الحجة وقالت
اتفضلي ياحجة بالف هنا وشفا
سميرة
تسلمي يا غاليه
تهاني
معلش ياحجة انا هخلص الشغل عندك واحضر لك الغدا وانزل اروح مع سعاد اختي عند الدكتور أصلها بعافية شوية
ومالو ياتهاني روحي يابنتي طول عمرك خدومة ياتهاني ربنا يديكي على اد نيتك
تهاني
هي الست منال مش جاية لك النهاردة كانت من يومين بتقول انها جايه لك النهارده
سميرة
تيجي ولا متجيش انا مبقتش بدور يابنتي اللي عايز يسال عليا يسال البيت مفتوح اهو قدامك للي يجي
تهاني
معلش ياحجة الدنيا تلاهي برضو اكيد مشغولين بعيالهم
ااه يابنتي مانا عارفه ربنا معاهم يارب
وعند ايمان كانت قاعدة بتاكل هي وجوزها وقالت له
بقولك ايه يا حمدي انا كنت عايزة اجيب ماما تقعد معانا يومين هنا عندي انا كنت متفقه مع منال اختي على كده
حمدي
منال اختك متاخدهاش عندها ليه بقا
ايمان
طيب وانا ايه ومنال ايه ياحمدي دي برضو امي ومينفعش نسبها لوحدها كده
بقولك ايه يا ايمان انا مش عايز وش وۏجع دماغ انا مكفي البيت بالعافية ومش قادر على مصاريفك انتي وعيالك عايزة كمان تجبيلي امك اصرف عليها انا مش عايز كلام في الموضوع ده تاني انتي فاهمة ولا لا
ايمان
الله هو في ايه ياحمدي كل ده عشان بقولك امي تقعد عندي يومين
حمدي
تاخدها اختك منال عندها هي جوزها شغال حلو وعلى قلبة اد كده وهيعرف يصرف ويجبي براحتة انما انا على اد حالي ياست ايمان واهو اديني مش واكل سديتي نفسي انا داخل انام وسبها ودخل اوضتة
اعوزو بالله منك راجل لما اتصل بمنال اشوفها هتعمل ايه واتصلت بمنال وقالت لها
ها يامنال روحتي لماما ولا لا كنتي بتقولي هتروحي عندها
منال
كنت ناوية اروح يا ايمان بس بصراحه مكنتش فاضية خالص العيال شاغليني خالص يا ايمان
ايمان
طيب خلاص خوديها عندك تقعد يومين معاكي انتي وجوزك والعيال اصل انا مش هعرف عشااان
انا مش هعرف اجيبها عندي يا ايمان اصلي مش هبقا فاضيلها خالص بودي العيال التمرين ودروس وهم كتير يا ايمان وبعدين متحمليش همها اصلا تهاني شايفه كل طلباتها وماما بتديها شهرية وانا برضو لما بروح بديها قرشين عشان تاخد بالها منها
يمان
ماشي يامنال اللي تشوفيه انا هقفل دلوقتي عشان رايحة مشوار يلا سلام
والله وحشاني اوي ياحجة فاطمة ونفسي اشوفك ماتعدي عليا تقعدي معايا شوية اهو نسلي بعض برضو
فاطمة
والله ياسميرة نفسي اجيلك اوي بس انا مش بعرف اروح ولا اجي اصل انا اقعده مع بنتي في بيتها ومش عايزة اقولك ولا هي ولا جوزها بيرضو يخلوني امشي والعيال متعلقين بيا اوي
سميرة سمعت كلامها ده وفضلت ساكتة وسرحانة في بناتها اللي مش بيسالو عليها وفاطمة قالت
الووو الووو يا سميرة رحتي فين
سميرة
هاا انا معاكي يافاطمة معلش ياختي الظاهر ان الخط كان فصل ورجع
فاطمة
ولا يهمك ياحبيبتي على العموم انا هاشوف كده يوم واخلي جوز بنتي يوصلني عندك ونقضي يوم مع بعض
سميرة
ماشي يافاطمة تيجي تنوري ياحبيبتي هستناكي
وقفلت معاها وقالت لنفسها
يابختك ببتك يافاطمة وجوزها اللي شايلك من على الارض شيل ده ربنا يهديكم يابناتي يارب
وبعد كام يوم راحت منال لأمها وقالت
ازيك ياماما معلش انا اتاخرت عليكي الايام اللي فاتت انتي عارفة العيال ومسؤليتهم عاملة ازاى
سميرة
معلش يابنتي ربنا يعينك عليهم المهم انتي وجوزك عاملين ايه
منال
احنا بخير ياماما كله ده
وعادل بعتلك السلام
