في بنت بره

الا الغيره ودي اسلم طريقة الحفله هيبقي فيها رجال اعمال 
وشباب وانتي جميله والف مين هيتمني يكلمك لو حد طلب يرقص معاكي ااقبلي 
جني ..لالا انتي بتقولي اي لا مااقدرش اعمل كدا ..
هايدي.. سيبك من البت ال دماغها متركبه غلط دي سيبك من عمر اصلا ابييه فهد مش هيسمحلك تعملي كداا
انتي ما اخدتيش بالك اتصل بيكي كام مرة عشان ياكد عل الفستان يكون محتشم ومش قصير
جني ..ايوة والنبي قوليلها والله دا عمر اتصل وقالي نفس الكلام ..
بصي انتي وهي دا رايي عمر راجل تقيل اووي ومش هيعترف الا لو حس بغيره 
هايدي..بصي هي تبان عادي وتشوف اليوم هيمشي ازاي....
يطرق عل الباب فتأذن جني بالدخول للبنات ...
...
في غرفة روجيدة
نعمات ..ايوة ي هانم هما دلوقت مع جني هانم 
روجيدة...اوك هاتيلي عصير عل ما يخلصوو
نعمات ..حاضر ي هانم
تتصل روجيدة بوالدتها
الوو ايوة ي مامي انا قبلت البنت واديتها باقي حسابها 
ام روجيدة....
انا قولتلها ماتتصلش تاني الغبيه اتصلت الصبح افرضي كانت اتصلت وفهد هنا 
ام روجيدة....
يا مامي انتي عارفة فهد بيحب يستفسر عن كل حاجة 
ام روجيدة ...
حاضر انا مستنيهم لما يخلصوو عند princess جني
ام روجيدة .....
اوك ي حبيبتي see you
. .. .. ... ...... ..... .
في الشركة
جهزت ملك القهوة
وتوجهت لمكتب فهد...
استاذنت بالدخول 
ملك..اتفضل حضرتك القهوة 
فهد..شكرا حطيها عندك هشربها هناك..
ملك في نفسها بسخرية اي دا دا بيشكرني. دا زي البني ادمين... 
وضعتها ملك كما امرها وانصرفت عل مكتبها ..
نهض فهد من عل كرسيه وتوجه 
الي الكنبه الفوتيه وجلس عليها تناول فنجان القوة وهو يجلس باريحة يتلذذ بطعمها اممممم.. حلوة ي بنت الايه احلي من ال بيعملها عم محمود....
..
يصل عمر الي الفيلا
فيجد السيدة نعمات ويلقي عليها السلام 
نعمات ..حمدلله عل السلامة
عمر...الله يسلمك جدي فين
في المكتب ي فندم..
عمر..اوك انا رايحلوو
نعمات..تحب اجهزلك الاكل 
عمر...ياريت عل ما اخد شاور لاني مېت من الجوع
تبتسم نعمات.. حاضر ي فندم
عمر .. جني فين 
نعمات..في اوضتها البنات عندها بيعملولها الميكاب وشعرها
عمر..اوك اتفضلي انتي ...
يمسح عل شعره وهو يتمتم.. يومك مش فايت ي جني لو عملتي غير ال قولتلك عليه ...
يدخل المكتب عل جدة 
سليم ..اهلا اهلا حمدلله على السلامة يا بطل
عمر... وهو يقبل يده الله يسلمك يا جدي .فهد لسة ف الشركة
سليم المهدي ...ايوه بس هو عل وصول اتكلم من ا لشركة بيقول هيكون هنا عل 5والساعة الوقت 4
عمر..طيب اطلع انا كمان لا هلكان هاخد شاور وراجعلك تاني
سليم المهدي..ماشي ي حبيبي اتفضل
ثم يتركه يصعد ل غرفته
..
في مكتب فهد بالشركة
فهد..تمام ي باشهندس اعمل حسابك انك هتسافر معايا المانيا 
ماهر ..تمام ي فهد بيه 
فهد..تقدر تتفضل انت 
ماهر...اوك عن اذنك
يقوم فهد ويرتدي جاكيت بدلته ويهم بالخروج من المكتب
فتح باب المكتب فيجدها تقف ليحادثها ..انا خلصت ومرووح تقدري انتي كمان تروحي ..
ملك ..تمام حضرتك
ويتركها ويرحل دون كلمه
اما هي فرتبت الاوراق واستعدت للرحيل
.....
في فيلا سليم...
في غرفة المكتب .....
سليم وهو يهاتف احدي رجال الاعمال
سليم ..ايوة ي يحيي بيه تمام انا هبعتلك عمر يجيبك من المطار ويوصلك عل القاعة 
تمام تمام 
يحيي .....
سليم ...مع السلامة 
ويخرج من المكتب وينادي عل منيرة
منيرة 
ايوة ي باشا
عمر ..فين
عمر.. انا هنا ي جدي أأمرني 
سليم..مايؤمر عليك ظالم يا حبيبي يحيي المنصوري هيوصل المطار كمان ساعة بالكتير عوزك تروح تجيبه هو وبنته وتوديهم عل القاعة عل طول ..
عمر ..حاضر ي جدي...
...
يصل فهد للفيلا 
عل البوابه رئيس الحرس ..فهد باشا 
فهد ...خير ي سلطان
سلطان ..الست هانم خرجت النهاردة ومارضيتش تاخد الحرس معاها..واحنا حاولنا بس هي زعقت
فينا ..
فهد ...ماشي ي سلطان روح انت 
يدخل للفيلا فيقابله عمر 
حمد الله عل السلامة 
الله يسلمك 
رايح فين
عمر...في ناس مهمين جدي قالي اجيبهم من المطار 
فهد...طيب خد الحرس معاك
عمر.. ي فهد ما تضخمهاش اوي كدا 
عمر..انا هروح لوحدي
فهد..ي ابني اسمع الكلام
عمر..طيب خلاص يلا انا همشي عشان مااتخرش
فهد. .ماشي ..سلام 
عمر..سلام
يصعد ل غرفته كانت روجيد تستعد للحفل
في الغرفة الملاصقة لغرفتهم
فدخل كي يستعد في الاخر
.
في بيت ام سارة
ترن جرس الباب فتفتح سارة
سارة...ملك حبيبتي جيتي بدري يعني
ملك..النهاردة روحنا بدري عشان في حفله 
وانتي مش هتروحي 
لا مش هروح 
مال وشك مخطۏف انتي فيكي حاجة
ملك وكانت ستحكي ولكن تراجعت
لا ابدا ارهاق ف الشغل بس
طيب ي حبيبتي هحضرلك لقمه وجيالك....
..
عند جني 
هايدي والاء بانبهار ...واااااو ايه القمر داا 
جني ..بجد ي بنات شكلي حلو ..
الاء...شكلك حلو وبس قولي قمر بدر منور ايه ي بنتي انتي مش عارفة قيمتك كويس..
جني..يارب يارب اعجب عمر..
هايدي. ..اووووف عمر عمر ي بنتي كوني حلوة لنفسك مش عشان
حد
جني..طيب ي ختي لما اروح ل جدوو اوريلوو الميكب والفستان 
الاء...لالالا استني مش عوزة حد يشوفك الوقت خالص خليهم يروحو وانتي بعدين انا عوزاهم يتفاجئوا..
طيب ماشي..
حل المساء وكان سليم وفهد في انتظار جني وروجيدة 
نزلت روجيدة 
روجيدة ..ا انا جهزت خلاص ينظر لها فهد من اعلاها لاسفلها 
تمام جني لسة ما خلصتش
روجيدة..مش عارفة المفروض انها جهزة من بدري
سليم اسبق انت ومراتك وانا هجيب جني واحصلكم
فهد..حاضر ي جدي
يذهب فهد مع زوجته..
اما جني فكانت تنزل عل السلم ليطالعها جدها بابتسامة
جني ..انا خلصت ي جدو
حبيبة قلب جدها اي القمر داا
جني . بابتسامة خجل حبيبي ي جده دي عينك هي ال حلوة..
يلا بينا تعالي ي قمر حطي ايدك في ايدي 
جني..يلا ي جدوو ويذهبا ايضا..
وهم في السيارة..
يرن الهاتف
سليم الووو ايوة ي عمر وصلتوا بالسلامة
عمر ....
ماشي ي حبيبي فهد سبق وانا هجيب جني واجيلكم 
عمر .... 
سليم ...ماشي ي حبيبي سلام
جني ..هو عمر معاه حد
سليم ايوه ليا صديق وكان جاي الحفله بعتلوا عمر للمطار يوصله هو وبنته للقاعة
جني . احم وبنته هي هي حلوة
سليم بلؤم ..اكيد حلوة بس مش هتكون احلي منك 
انتي هتبقي قمر الحفله
جني...حبيبي ي جدوو انت وتضحك ويرحلا الي القاعة
.
يصل فهد هو وزوجته ويقوم باستقباله القاىمين عل الحفل للترحيب به
فهد باشا اهلا ب سعاتك اتفضل حضرتك انا هكون معاك طول الحفل لو حضرتك عوزت حاجة 
ليومئ فهد براسه
ويدخلا الي القاعة 
اتفضل حضرتك دي الطربيزة الخاصة ب حضرتك ثواني وهجيب ل حضرتك منسق الحفله 
فهد وهو يجلس اوك 
روجيدة كانت تجلس بكبرياء وغرور فهي ايضا محط انظار النساء والرجال فهي حرم فهد سليم ملك الاقتصاد في البلد فالكثير يتمني عمل شراكة معه 
روجيدة...حلو الفستان ي فهد محتشم ولا فيه حاجة مش عجبتك ...
فهد وهو يطالع هاتفه ..انا كلمتك قولتلك عليه حاجة
روجيدة..لا 
فهد ..يبقي خلاص يبقي تمام 
تلوي روجيدة فمها من بروده وتدير وجهها
اووف مش هيغير طريقته دي ابداا.....
الفصل التاسع...
تصل سيارة سليم المهدي ويهبط منها هو جني يدخلا القاعة ويستقبلهم منسقي الحفله
سليم باشا اتفضل حضرتك من هنا ياخذهم الي الطاوله المخصصه لهم
فيجدو روجيدة وفهد
سليم ...عمر لسة ماوصلش
فهد..مش عارف ي جدي انا ماشفتوش
تبحث عنه بعيناها فتراه يجلس بجوار فتاه شديدة الجمال 
جني بحزن ...جدو عمر هنا عل الطربيزة ال هناك دي
ينظر له الجد ويلوح له فيستاذن عمر ويذهب اليه
عمر وعينه عل جني ...ايه ال انتي مهبباه دا 
ينظرا اليه كلا من فهد والجد 
سليم...عمر في ايه هي مش عاملة حاجة اوفر عشان تتكلم
ي جدي انا منبه عليها ..
فهد.. عمر اهدي ف ايه 
عمر..انتوا شايفين انه عادي طيب تمام ليشد عل شعره من الغيظ ويستاذن منهم ويعاود الجلوس مع ضيوف جده
اما جني فكانت تتابعه بحزن
عل الطاوله الخاصة بيحيي 
ياسمين بنت يحيي ...بابي هو دا جد عمر 
يحيي ..ايوة ي حبيبتي
مين ال معاه دول 
دا فهد ومراته 
عمر... احم سوري اتاخرت
يحيي لا ابدا اقعد انت مع ياسمين هروح اسلم عل جدك 
عمر ...اوك
وعند ذهاب يحيي ياسمين ل عمر
عمر مين البنت ال مع جدك دي
عمر .. وهو يحاول كتم غضبه تبقي بنت عمي جني
ياسمين بنت عمك وبس 
ينظر لها ..تقصودي ايه 
اصل يعني البنت من ساعة لما اجيت وهي مركزة معاك
عمر بدون ولا كلمه فكان يشد عل شعرة من الغيظ
انا اسفة مش بتطفل والله ..
عمر...لا هي مش بنت عمي وبس
ياسمين..في حاجة رسمي
عمر..لا لسة مفيش 
ياسمين...ليه 
عمر..لسه هي ف اول سنه ليها ف الكليه عل الاقل تخلص السنه دي
ياسمين..بس هي باين عليها بتحبك اوي
عمر..بجد باين كداا
ياسمين ضاحكة. .. ايوة انت مش واخد بالك ولا ايه
عمر..وانتي مرتبطة
ياسمين..يعني تقدر تقول كدا وبردو مفيش حاجة رسمي
عمر ..ربنا يسعد
ياسمين..و هي مبتسمه يارب وانت كمان..
في بيت سارة
كانت ملك تحكي لها عن مديرها المغرور المتعجرف 
وعن ما حدث معها..
سارة ..ايه دا اعوزو بالله ربنا يكون في عونك
ملك.. يارب وف عون اي حد بيتعامل معاه
دا كمان طالب مني اسافر معاه المانيا 
سارة..ايه دا
بجد 
ملك..ايوة والله وانا مش عوزة وخاېفة ااقوله لا ومش عارفة اعمل اي
والله انا لو منك اسافر ي ستي اعتبريها فسحة
ملك..اها فسحة مع الغول ي بنتي دا لما بيزعق بيتحول 
عينو بتقلب سواد وعروق رقابته كلها بتبان والله انا خۏفت من شكله ولا صوته .انا ماكنتش بصدق الكلام ال بيتقال عنه وكنت بقول دول بيبالغوا لحد ما شوفت بعنيا
الرجل الاخضر لا الرجل الاحمر هههههههه
سارة ...ههههههه معلش اكل العيش كدا ي زميلي 
ملك. ههههه عل رايك 
سارة ...المهم لازم تجيبي هدوم قبل ما تسافري
مهو مش معقول تسافري بالهدوم دي
ملك ..وانا اجيب فلوس منين انا مستنيه لما ااقبض
سارة ..هتدبر ما تقلقيش
ملك ..منين بس ماانتي عارفة كل حاجة انا مش معايا
غير السلسله بتاعة ماما ودي مش هفرط فيها دي الحاجة ال فضلالي من ريحتها
سارة ...لا ي حبيبتي باذن الله مش هتحتاجلها
بصي ي ستي انا معايا مبلغ كدا كنت محوشاه ممكن تاخديه وتجيبي طقمين ولا حاجة عل ما ربنا يسهل
ملك ..لا يا سارة ماينفعش اخده انا هستنا لما ااقبض
سارة....ي
بنتي ما تنشفيش دماغك اسمعي الكلام ااقولك خوديهم عل انهم سلفه وابقي روديهم لما يكون معاكي فلوس اتفقنا
ملك....خلاص اتفقنا ...
في القاعة 
يذهب منسق الحفل ل فهد 
فهد باشا حضرتك هتلقي كلمه بعد ما تستلم الدرع
فهد.. اوك 
اتفضل معايا حضرتك
يذهب معه ليلقي كلمته
اما جني فكان بالها مشغول مع عمر 
تنظر لها روجيدة بابتسامة ساخرة ...ايه داا دا عمر لسه قاعد مع البنت شكله معجب بيها اوي...ههههه والبنت ايه جميله جدددا 
جني بعيون دامعه ..بعد اذنك ي جدو هقوم اروح الحمام
سليم ...ماشي ي حبيبتي 
سليم ناظر ل روجيدة ..ابقي خفي شويه وخدي بالك من كلامك
روجيدة وهي تصتنع البراءة انا ليه ي جدو انا قولت حاجة ضايقت حضرتك
سليم بصوت حازم ...روجيدة انتي فاهمه كويس انا ااقصود اي...
ليجد يحيي يعاود الجلوس فقد كان يتكلم مع احد رجال الاعمال
يحيي ..والله واحشني ي راجل
سليم وانت كمان 
اخبار الشغل ايه
لا كله تمام انا بتابع بس من بعيد اما فهد هو ال ماسك كل حاجة
ربنا يباركلك فيه يارب
سليم ...يارب
عند فهد كان يلقي كلمته
السادة الحضور ...
انا بشكركم عل تكريمكم ليا ..
وتلقيبي ب ملك الاقتصاد .لكن مفيش غير ملك واحد بس وهو جدي سليم المهدي
ال بدير شركاته تحت ادارته وتوجيهه واسمحولي بالنيابه عنكم اتوجه له بالدرع فهو احق بيه مني