شيلي البتاع دا
انت في الصفحة 1 من 6 صفحات
دخلت فيروز تلم هدوم اللى واقعة على الأرض و فى فتاة نايمة على السرير و بتولع سېجارة و بتنفخ و هى بتبص بقرف لفيروز
و خرج من الحمام فهد و هو بيلف حوالين نفسه فوطة و بيبص برده بقرف لفيروز اللى بتنضف الاوضة
فهد انتى غبية أنا كام مرة اقولك محدش يطلع الجناح عندى طالما معايا حد
فيروز و هى تخفض رأسها و تكلمه من خلف النقاب
فيروز بعتذر لحضرتك بس الجناح بقاله يومين متنضفش و حضرتك مش بتحب تقعد فى مكان مش نضيف
فهد ببرود غبية اطلعى بره
فيروز خرجت و هى بتحسبن فى سرها على فهد لانه شخص مغرور و انانى و شهوانى مش بيفكر فى حد غير نفسه
فيروز نزلت المطبخ تحضر الفطار و تقعد تذاكر فى اوضتها لأنها ثانوية عامة
فهد نزل و كان يحتضن تلك الفتاة و نزلوا على السفرة و اتقدملهم الفطار و بعدين فجأة فهد شد البنت من شعرها و طلعها بره القصر بشكل غريب و لكن ديه مش اول مرة هو كل بنت بيجبها بيعمل كده معاه و لكن محدش قادر يفسر تصرفه
فيروز بصت فى المراية على نفسها و اد ايه هى جميلة و انها اصلا مش منقبة بس علشان عارفة أن فهد حد مش كويس بقيت تلبس دايما قدامه النقاب و تحاول تبعد عنه فى اى مكان لأنها محتاجة الشغل جدا و خصوصا انها بتصرف على نفسها و اخواتها
كانت تنظر لنفسها بتأمل و فكت الطرحة و طلعت العنان لشعرها الأشقر الطويل الذى يغطى ضهرها بالكامل و بصت لملامحها الفاتنة و البريئة و فجأة حد خبط على باب اوضتها و كان فهد لأن مفيش خدم فى القصر غير فيروز و سفرجى و عامل للجنينة لأن فهد مش بيحب الخدم اصلا
فهد انتى يا متخلفة
فيروز لبست النقاب بسرعة و فتحت الباب وجدت فهد
فيروز خير حضرتك
فهد هو اللى يشغل واحدة غبية زيك يلاقى خير
فيروز فى سرها لا اله الا الله
فهد فين قميصى الابيض اللى بحبه
فيروز حضرتك كنت رميه قولت اكيد محتاج يتغسل فى قميص ابيض تانى اكيد فوق
فهد أنا عارف بس أنا عايز ده مش غيره
فيروز يعنى حضرتك اعمل ايه دلوقتى
فهد انتى بتردى عليا طيب تمام اوى كده خصم نص شهر
فيروز حضرتك خصمتلى نص شهر برده الشهر اللى فات حرام ارجوك أنا عندى امتحانات و بصرف على اخواتى ممكن تخصمها من اى شهر تانى
فهد ببرود لاء الشهر ده بتحديد و كلمة كمان هخصم شهر كامل
فيروز دخلت اوضتها ټعيط و هى نفسها ټنتقم من فهد و هى مش طايقه و قررت تبدأ فى انتقامها
تانى يوم الصبح فيروز عملت الفطار عادى و حضرت كل حاجة زى ما فهد عايز و خرجت كأنها هتروح تجيب حاجات البيت و دخلت اوضتها لبست عادى لبسها الطبيعى و هى مش محجبة و لبست فستان وردى و فرضت شعرها على ضهرها و خرجت تمشى فى الجنينة كأنها أحد الجيران
فهد لاحظ فيروز و لكن ميعرفش مين ديه و لكن شكلها عجبه اوى
فهد اقدر اساعدك بحاجة يا آنسة
فيروز و هى بتحاول تتكلم بصوت رقيق عكس طريقة كلمها الجد المعتادة عليها
فيروز اصل قطتى لي لى خرجت من الفيلا و خاېفة تكون بعدت بدور عليها
فهد انتى جارتنا
فيروز أيوة من قريب و جت تمشى
فهد طيب لحظة تشربى حاجة نعمل واجب الضيافة النبى وصى على سابع جار
فيروز بصتله بقرف لاء شكرا و جت تمشى فهد مسك ايديها بتلقائية
فيروز راحت ضړبته قلم صدم فهد
فهد فجأة
فيروز پخوف فى ايه
فهد بصلها پصدمة و فجأة سحبها اكتر لحد ما لزقت فى وشه
فهد انتى عارفة انتى ضربتى مين
فيروز پخوف بعدت عنه و مشيت و سابته
فهد مسك خده مكان ضړب فيروز
فهد و ماله حلو ده لما نشوف
و فهد رح شركته و بليل جاب بنت جديدة زى العادة علشان سهرته
فيروز لأول مرة تشعر بالغيرة أو كانت حاسة ان فهد لما يشوف جمالها فى حاجة هتتغير و لكن حدث شئ غير حياة فيروز و لم تعلم ماذا يخبئ لها القدر
فجأة فهد طرد البنت اللى معاه فوق و نزل الجنينة
يشم هوا
فيروز فضلت تبص عليه من بعيد لقيته بيتمشى بره الجنينة و كانه بيبص على البيوت اللى حواليهم
فيروز لبست نفس الفستان و خرجت الجنينة و كأنها بتتمشى بره البيت و فهد شافها
فيروز مبصتلوش حتى و كملت فى طريقها
فهد يا آنسة يا آنسة
فيروز افندم فى حاجة
فهد أيوة انتى ضربتنى الصبح و انا معرفش السبب
فيروز حضرتك مسكت ايدى و كمان شدتنى المفروض اعمل ايه اسقفلك
فهد أنا مسكت ايدك عادى علشان كنت عايز توقفى لانى بكلمك
فيروز مظنش أن ده مبرر
فهد لاء أنا مش بحب حد يمشى و انا بكلمه
فيروز مشيت و هى بتلوح له بأيديها
فهد مسك ايديها للمرة التانية و بص فى عينيها و اول مرة يركز فى عيون فيروز
فهد اظن حذرتك قبل كده مش بحب الغلط مرتين
فيروز من جواها خاېفة و لكن بتحاول تبين عكس ذلك
فيروز و أنا قولتلك مينفعش تمسك ايدى أنا مش زى اللى تعرفهم
فهد ضغط على ايديها اكتر
فهد انتى مين يا بت انتى أنا سألت و عرفت أن مفيش حد ساكن فى البيت الجديد و لا انتى تبع حد من الجيران
فيروز من الصدمة اغمى عليها و هنا فهد بص بابتسامة خبثة و طلع بيها على جناحه و هى نايمة زى الملائكة و هو ارتسمت على وشه ابتسامة شړ
و طلع بيها الجناح و حط فيروز على السرير و دخل ياخد شاور ونام فقط بجانبها فى أطراف السرير و فى الصباح استيقظ فهد و لم يجدها بجواره و اختفت
فيروز لبست النقاب و فضلت تخبط على باب الاوضة
فهد فتح الباب بيبص بقرف لفيروز
فهد شكلى هرفضك عايزة ايه
فيروز أنا كنت بقول لحضرتك فى واحدة تحت و بتسال على حضرتك
فهد افتكر ممكن تكون البنت ديه فيروز و جت تانى
فهد بحماس واحدة طيب انا نازل شوفى تشرب ايه
فهد لبس و نزل لقى سارة بنت خالته
فهد بنظرة ضياع الامل سارة ايه اللى جابك
سارة لقيتك مش بتزونا قولت أنا اجى ايه يا فهد نسيت أن ليك أهل
فهد أن شاء الله هاجى ازوركم
سارة مفيش اتفضلى
فهد ما انتى قاعدة و بتشربى العصير اهو يعنى
سارة ماشى يا رخم
فهد هى خالتو مجتش ليه
سارة كانت تعبانة شوية
فهد الف سلامة عليها معلش يا سارة لازم اروح الشركة ممكن اوصلك فى طريقى و نفطر فى اى مكان
سارة اوك يا فهود يلا مستنياك تلبس
فيروز الفطار جاهز
سارة بقرف لاء سيدك فهد هيفطرنى بره
فيروز سيدى !
سارة أيوة سيدك فى مشكلة
فيروز أنا علشان متربية مش هرد علشان كان زمانى قائلة كلام مش هتحبى تسمعيه
سارة انتى نسيتى نفسك انتى حتة خدامة هنا
فيروز صعبت. عليها نفسها و جريت على جوا ټعيط و رفعت النقاب تمسح دموعها فى نزول فهد من الجناح قدامها
فهد
فيروز نزلت النقاب بسرعة قبل ما يشوف وشها
فهد ما شفش وش فيروز بس اتخض لما لقها واقفة بټعيط
فهد بتعيطى ليه يا زفتة
فيروز بانفعال من طريقته أنا ليا أسمى كفاية إهانة بقى و راحت المطبخ
و فهد مهتمش و اخد سارة و خرجوا
سارة فى الكافية فهد أنا حامل منك
فهد ايه ازاى ده حصل انتى متخلفة
سارة مكنتش عاملة حسابى و دلوقتى ده امر واقع
فهد انتى بتلوى دراعى
سارة لاء بس انت ابو الولد اللى فى بطنى و ديه مسؤولية
فهد بس أنا فاكر أن ده مكنش اتفقنا
سارة اعمل ايه يعنى مش فاهمة
فهد سقطى و انا هتكفل بكل مصاريف العملية و الإجراءات
سارة ايه اللى بتقوله ده أنا فى الشهر الرابع و ده خطړ عليا
فهد يعنى المفروض اعملك ايه
سارة تتجوزنى
فهد نععععم اتجوزك ليه شايفنى اهبل
سارة أنا ممكن بالقانون اثبت نسب الطفل بس ديه ڤضيحة ليك
فهد تاخدى كام و تبعدى
سارة قولتلك اللى عايزة تتجوزنى احسن من الفضايح ليك
عدى اليوم و جيه بليل فهد رجع القصر و مش زى العادة راجع لوحده و مش سكرأن و قاعد فى الجنينة فضل يفكر فى كل حاجة و فجأة جت فى باله ملامح فيروز و يا ترى هى فين دلوقتى و ايه اللى خلاه تظهر فى حياته و تختفى فجأة و فضل يفكر فيها طول الليل لحد ما دخل فهد القصر و لكن لعب بعقله الشيطان لما لمح فيروز قاعدة فى
المطبخ لسه مروحتش
فهد دخل المطبخ لها
فيروز خير يا استاذ فهد
فهد أنا عايزك
فيروز نعععم
فهد زى ما سمعتى أنا مجبتش حد انهاردة بس انتى تسدى
فيروز انت ازاى تطلب منى حاجة زى ديه
فيروز انت بتعمل ايه ابعد عنى
استوب
ياترى هيكتشف أن فيروز هى هى نفس البنت اللى قابلها و يا ترى هيحصل ايه لفيروز..
فيروز انت بتعمل ايه ابعد عنى
فيروز عرفت تفلت ايديها و رشت ملح فى عينه و طلعت من القصر تجرى و هى بټعيط و روحت بيتها
فى الصباح صحيت فيروز ليوم جديد فى بيتها المتواضع جهزت الفطار لاخواتها و نزلت الشارع و هو حى شعبى و يوجد ورشة تصليح سيارات. ميكانيكى يدعى سعيد شاب يكبر فيروز بعشر سنوات و ابن خالتها و ملحوظة فيروز عندها 18 سنة و فهد عنده 30 سنة
فيروز نزلة و بتعدى الشارع وقفها سعيد
سعيد اتاخرتى فى الشغل ليه امبارح
فيروز كان ورايا شغل
سعيد قولتلك ركزى فى دراستك و انا متكفل بمصاريفك انتى و اخواتك يا بنت الحلال
فيروز و انا قولت لاء يا سعيد و مش عايزة فلوس من حد
سعيد بس أنا مش حد
فيروز سعيد بعد اذنك ابعد عن سكتى اصلا أنا سيبت الشغل هناك و هدور علي مكان تانى
سعيد سيبتيه ليه
فيروز سببته و خلاص عن اذنك بقى
و تركت فيروز سعيد و راحت قصر فهد تاخد اغراضها من القصر و تعرفه أنه اخر يوم ليها هنا
فيروز دخلت القصر لقيت فهد نايم على الكنبة و بلبس امبارح و مكسر كل حاجة
فيروز دخلت فى هدوء و هنا صحى فهد
فهد رجعتى تانى اهو
فيروز أنا جاية أصفى حسابى
فهد مين قالك انك هتمشى
فيروز أنا مستقيلة
فهد و انا رفضت استقالك يلا على شغلك و نضفى الپهدلة ديه
فيروز بس أنا مش هقبل اقعد لحظة بعد اللى حصل امبارح
فهد أنا كنت شارب كتير و انتى اصلا مش المود بتاعى استحالة افكر اقربلك مش من قلة الحريم
فيروز اتعصبت من كلمته و راحت سابته و دخلت اوضتها
فهد حس أنه غلط تجاه فيروز و لاول مرة كان عايز يعتذرلها
فهد نزل ناحية اوضتها
فهد فيروز ..فيرووووز
فيروز خرجت بخضة نعم
فهد فيروز أنا بعتذرلك عن امبارح و الشهر ده مفيش خصم
فيروز شكرا لحضرتك
فهد بص فى عينيها لأول مرة و لاحظ حاجة غريبة و فضل متنح شوية
فيروز بدأ القلق يتسرب ليها و أنه بيبص كده ليه
فهد انتى عينك حمرا اوى كده ليه
فيروز مالى كويسة
فهد ماشى يلا على شغلك مش ناقص قرف
فيروز جريت من قدامه و هى متوترة و حمدت ربنا أنها عدت على خير
و هى فى المطبخ الباب خبط و كانت سارة و فيروز فتحت الباب
سارة اول ما رفعت راسها فى فيروز يا ماااامى انتى ايه يا بنتى خيمة سودا واقفة خضتنى ابعدى عن سكتى كده
فيروز حاضر هو أنا منعاكى
فهد خير يا سارة جاية ليه دلوقتى مش بليل جاى هتقدملك و خلاص فى ايه تانى
فيروز اول ما سمعت ان فهد هيخطب الحرباية اللى اسمها سارة ديه حست مشاعر غريبة و مش قادرة تفسرها و سابتهم و مشيوا
سارة فى ايه يا فهد أنا رايحة معاك الشركة عادى
فهد مش بحب حد يروح معايا بحب اروح لوحدى بعد اذنك روحى و انا هحصلك
سارة خرجت و هى مش طايقة نفسها
فهد على السفرة بيفطر
و فيروز بتحط الاطباق
فهد فيروز
فيروز اتفضل
فهد من يومين مشوفتينيش و انا طالع ببنت كده مغمى عليها و مشيت الصبح
فيروز بارتباك و لكن حاولت تتماسك لاء مظنش لحظت حاجة زى ديه
فهد هى فعلا غريبة انك ملحظتيش كل مرة بتطلعى الاوضة الصبح تنضفى يعنى كنتى اكيد هتشوفيها
فيروز معرفش هو فى حاجة
فهد و انتى مالك و قام من على الاكل و خرج
فيروز بدأت تقلق اكتر و انها لازم تبعد عنه بدل ما يحطها فى دماغها بس لازم قبل ما تمشى تعلمه درس و ده كان هدفها من الاول و قررت انها هتروح حفلة خطوبته
عند فهد فى الشركة
فهد دخل مكتبه و دخل عليه معتز صديقه و شركيه فى الشركة
معتز ايه يا عم فهد بقالك يومين يعنى قاطع
السهر
فهد رايح أخطب
معتز بقى فهد يسيب كل الستات ديه و خلاص ناوى يدخل قفس الجواز و المسئولية
فهد مش بمزاجى يا زفت انت
معتز احكيلى ايه اللى حصل
فهد حكاله عن سارة و اللى حصل
معتز بس انت كده لبست فيها و انت اصلا مش هتبقى مطمن أن ديه تكون حرمك متزعلش منى يا فهد سارة قربتك بس الصراحة يعنى مش هى ديه اللى تصونك
فهد ما أنا عارف بس بنت عايزة تشهر بيا أنا بس هنيمها لحد ما اعرف أخرج من الحوار ده
معتز يعنى خطوبتك انهاردة
فهد ببرود أيوة
معتز خلاص هروح اشوفك و انت عريس
فهد بطل يا معتز تريقة بدل ما اخبطك
معتز هروح اشوف شغلى يا عم و خرج
بليل جت الخطوبة و دخلت فيروز الحفلة بفستان احمر جعلها كالاميرات و كان شكلها ملفت جدا لحد ما عين فهد وقعت عليها
و هنا فيروز اتجمدت مكانها و جيه يقوم سارة مسكته علشان يفضل قاعد فى الكوشة جنبها
و فيروز بصتله نظرة انتصار عليه و قعدت على ترابيزة لوحدها
و هى قاعدة لقيت معتز جيه و قعد على نفس الترابيزة معاها و طلب من الجرسون يجيب كاسين
فيروز استغربت و اڼصدمت من وقاحته و أنه ازاى يقعد عادى و كمان طلب لها كاس
فيروز هو حضرتك ممكن تقعد على اى ترابيزة تانية
معتز بس أنا عاجبنى اللى قاعد على الترابيزة و شوفتك قاعدة لوحدك قولت ممكن مكسوفة
فيروز جت تقوم ديل فستانها كان تحت رجل كرسى معتز بصتله و لكنه فضل قاعد عادى
فيروز بعد اذنك
معتز افندم
فيروز الكرسى
معتز مش
