جوزي امه ماټت
انت في الصفحة 1 من صفحتين
جوزي امه ماټت و هو عنده سنة و عمته ربته لحد ما شد حيله شوية و بقا عنده خمس،سنين و ماټت هي كمان
كان ابوه في الفترة دي متجوز بعد مامته ف راح قعد مع ابوه و مرات ابوه
مرات ابوه كان عندها ولد و بنت من جوزها الاولاني و خلفت اربعه كمان من ابوه
لدرجة انه حتى الاكل ولادها ياكلوا فراخ و لحمة و هو تحطله شوية عدس و لا بصارة و لا رز و طبيخ و خلاص
كان شاطر اوي في المدرسة و بيطلع من الاوائل
لما وصل لاولى اعدادي فضلت تزن انه كفاية تعليم و يشتغل مع ابوه عشان يصرف على اخواته
ساب المدرسة و اشتغل نجار مع ابوه عشان يصرف على تعليم اخواته و الاتنين اللي مش اخواته اللي هما في سنه و اكبر منه
و كبر جوزي لحد ما بقا عنده عشرين سنة على نفس الوضع
جه ابوه ماټ
جوزي قعد كام شهر متبهدل شوية عند عمه شوية عند صاحبه لحد ما ربنا كرمه بعقد عمل في دولة عربية
قعد هناك 15 سنة متواصل منزلش مصر ملوش حد ينزله
ربنا كرمه اخر كرم و فتح له ابواب الرزق من حيث لا يدري و لا يعلم
ف نزل مصر بعد 15 سنة غربة
اول حاجة عملها بنى جامع على روح امه و ابوه الله يرحمهم
راح لبيت ابوه يزور اخواته لقى حالهم لا يسر عدو و لا حبيب
البيت كان مبني من الطين و دور واحد
البنات جوزهم و جهزهم من الالف للياء
و الرجالة اللي متجوز فيهم ساعده ماديا بالفلوس و اللي مش متجوز اداله فلوس يتجوز بيها
و اللي عايز يسافر منهم سفره البلد اللي كان فيها يشتغل
بس انا صممت جدا اني اتجوزه لاني مش هلاقي في طيبته و لا حنيته دي ابدا
و اتجوزنا الحمد لله و اول حاجة عملها بعد جوازنا
خدني على بيت ابوه ازور اخواته و مرات ابوه !
