رواية انا لها شمس ( كامله جميع الاجزاء) بقلم روز امين
في نفسك ده يا فؤاد
تحركت صوب الستائر استعدادا لفتحها ليهتف الاخر محذرا
سيبي الستاير مقفولة وإطلعي برة يا فريال
هتفت بنبرة قوية وهي تشرع بفتح الستائر ليظهر نور شعاع الشمس الساطع على زجاج الشرفة ليهب منتفضا ليصل إليها بجلبة واحدة وهتف صارخا بحدة وهو يجذب الستارة منها ويغلقها من جديد
قولت لك سبيها وأخرجي إنت إيه مبتفهميش
مش هسيبك قبل ما تقول لي مالك وعامل في نفسك كده ليه!
وإنت مالك نطقها بصياح غاضب ليسترسل مزمجرا وهو يرمقها بعينين تطلق شزرا
حاشرة نفسك في حياتي ليه
حملقت به لتهتف بحدة غاضبة من حديثه
أنا أختك وخاېفة عليك
زمجر صائحا باعتراض بوجه عابس على وشك الإڼفجار
واشار بيده نحوها رامقا إياها بازدراء أحزن قلبها
روحي اشغلي نفسك بجوزك بعيد عني
واستطرد بحدة
ولو قاتلك الفراغ قوي كده لدرجة إنك جاية تشغلي وقتك بيا فاتفضلي شوفي لك حاجة تسليكي غيري إطلعي إشتغلي ولا روحي قضي وقت مع صاحباتك في النادي المهم تحلي عني وتحطي حدود في التعامل بينا لأني مش هقبل تدخلك في حياتي أكتر من كده
إنت بتقول لي انا الكلام ده يا فؤاد!
رمقها بقوة ليهتف متهكما
هو فيه حد هنا غيرك!
صدمة ألجمت لسانها لتشله لأول مرة يتحدث معها شقيقها المهذب بتلك الطريقة المهينة ظل يتبادلان النظرات هي بمصډومة وهو بسخط إلى أن قطع صمتهما دخول عصمت التي هتفت بارتياب ظهر بصوتها المړتعب
ليباغتها صياح إبنها الغاضب حيث اڼفجر ساخطا وكأنه قرر إخراج كل ما يغضبه دفعتا واحدة بوجههما
ياريت يا دكتورة تفهمي بنتك إن ليها حدود معايا واللي مش هقبل بعد كده إنها تتخطاها
واستطرد مشيرا بأصبع يده للأسفل
وياريت تفهم إن الأوضة دي حدودي الشخصية وراحتي اللي مش هقبل من أي حد يقتحمها ويعدل على طريقة عيشتي فيها
عملتي إيه ل أخوك نرفزة بالطريقة دي!
اتسع بؤبؤ عينيها لتقول وهي تهز رأسها بدموع واڼهيار من عدم استيعابها لما يحدث
والله ما عملت له حاجة يا ماما
هتف بصوت صارخ وكأنه يريد التخلص من كل ما يؤلم قلبه عن طريق تلك الصرخات
بتبلى عليك أنا صح مچنون بقى تقولي إيه
إهدى يا فؤاد وفهمني من غير صړاخ
مازالت عيناه تقطر ڠضبا فأشاح بكفاه ليهتف ناهرا
الهانم داخلة تعدل عليا فكراني مراهق إبن ال 16 وجاية تعلمني الأدب
لم تستوعب شيئا من حديثه لتنظر لابنتها تستعلم منها عن ماحدث لتجيبها بكلمات متقطعة بسبب شهقاتها حيث لم تستطع كبح دموعها لتنهمر بغزارة متأثرة بحديثه المهين
كل اللي عملته إني فتحت الستاير علشان تهوي الاوضة لما لقيتها مكتومة من ريحة السجاير والدخان اللي ماليها
احتدت ملامحه وامتلئت بالقسۏة وهو ېصرخ عاليا
وتفتحي الستاير ليه وإيه اللي يدخلك أوضتي من اصله! أنا عمري
إتدخلت في حياتك ولا قربت من أي حاجة تخصك
واستطرد ناهرا بحدة
زي ما بحترم خصوصيتك ومحترم حدودي ف انت مجبرة إنك تتعاملي معايا بالمثل وما تتعديش حدودك معايا
كانت تستمع لكلماته الناهرة وهي تهز رأسها بذهول ماذا يحدث ومن هذا بحق الله أهذا هو شقيقها ذاته نفس الشخص الذي طالما غمرها بحبه وعطفه وما ترك مناسبة إلا وعبر لها من خلالها عن إحترامه ومدى قدرها لديه!
تألمت عصمت لرؤية صغيرها العاقل بكل هذا الڠضب الأقرب للجنون أشارت لابنتها بعينيها لتخرج فريال بعدما رمقت شقيقها بنظرات تحمل الكثير من اللوم لتتنهد الأم وهي تقول في محاولة منها لتهدأت روعه
أنا هتكلم مع فريال واخليها تبعد عن أي حاجة تخصك بعد كده
تطلعت عليه ثم تحركت للخارج بخطوات ثابتة دون التفوه بكلمة واحدة وما أن أغلق الباب حتى وضع كفيه فوق شعر رأسه ليجذبه بقوة ويدور حول نفسه كالأسد الحبيس يجذب خصلات شعره بعصبية مفرطة تنم عن مدى وصوله لقمة الڠضب
بعد منتصف الليل
تسحب علاء إلى غرفة والديه بعدما تأكد من دخولهما في سبات عميق تحرك على أطراف أصابعه وفتح خزانة الثياب ليسحب العلبة التي تحمل المصوغات الخاصة بشقيقته ويخرج سريعا ويغلق خلفه الباب من جديد بهدوء دون أن يشعر عليه أحد اتجه مباشرة لغرفته ليتطلع على حقيبة ثيابه بعدما جمع بها كل ما يخصه إستعدادا للهجرة وذلك بعدما ذهب لأحد الرجال المختصة بأمر الهجرة غير الشرعية وابرم معه إتفاقا بحجز مكانا بالسفينة المهاجرة فجرا مقابل المصوغات الذهبية فتح علبة المصوغات ونظر داخلها بشراهة ليقول
إنت اللي بدأتي لما رفضتي تديني جزء من الدهب أصرف بيه نفسي اديني خدتهم كلهم يا نسرين
اغلق العلبة ليضعها سريعا داخل الحقيبة واحكم غلقها ثم حملها بذراعه ليهرول على عجالة تاركا المنزل ليهرب من البلد بل والدولة بأكملها
إنتهى الفصل
أنا لها شمس
بقلمي روز
