رواية رائعة للكاتبه منه رضا
عشان مكنتش عارفه تنام كويس فشافت خياله علي الحيطه فصلت تصوت ...
فهد شغل النور و زعق في أي أنتي كل شويه تصوتي احنا مش لوحدنا في البيت جدي يقول اي دلوقتي بعذبك ...
ماسه بتتكلم بشويه ڠضب و صوت عالي شويه ده كله بسببك ماشي تتمختر في الاوضه و النور مطفي خضتني ..
ماسه زقت أيدوه و قالت
فهد لحظي انك شغاله تغلطي و أنا ده كله بتكلم بأحترام ياريت تلمي لسانك شويه ..
فهد أقول عليكي اي يا امي انتي و جدي مجوزني بلوه مش بنادمه قال محترمه قال بلا هم و بعدين نام ...
في صباح يوم جديد تحديدا في قصر عيله الدمنهوري
الجد يلا يا حرمه منك ليها عايز احلي فطور يطلع للعرسان ..
ريتال هو صح يا جدي قاسم جاي انهارده هو و عمي ..
الجد ايوه يا ريتال و كمان رانيا مرات عمك و آيلان بنت عمك جايه معاهم ..
الجد احنا ملناش دعوه واصل هي هتيجي تقعد اليومين و تمشي زي كل مره مش عايز مشاكل عشان عمك و يلا روحي ساعديهم في المطبخ ..
ريتال صفيه جوه معاهم يا جدي و انا تعبت كنت معاهم من بدري ..
الجد طب اطلعي شوفي لو فهد هو و مراته صحيوا كده ..
ريتال من عنيا و جريت علي فوق ..
صفيه امال ريتال فين يا مرات عمي ..
حفيظه كانت قاعده بتتحدث مع جدك من شويه
صفيه طب انا خلصت الي في أيدي هروح اشوفها و جايه
حفيظه ماشي بس ابقي قوللها تيجي عشان عايزاها..
صفيه حاضر يا مرات عمي ..
طلعت صفيه تدور علي ريتال لحد ما جدها قلها أن هي طلعت فوق تشوف العرسان طلعت هي كمان وراها ..
ريتال كويس جيتي في وقتك مكنتش عارفه اخبط أو اعمل اي و لما يفتح اقوله أي ..
ماسه كانت نايمه علي الكنبه الي قريبه من الباب فقامت تفتح من غير ما تنتبه للهدوم الي لابساها ..
فتحت ماسه الباب و شافت صفيه و ريتال قدامها الي كانوا ميتين من الكسوف ..
صفيه اتكلمت و قالت جدي بعتنا عشان نشوفكوا صحيتوا و لا لسه عشان الفطار و كده ..
ماسه قوليلو شويه و نازلين ..
صفيه عارفه يابت يا ريتال فهد ابن عمك ده محظوظ مجوز بت قمر بسم الله ما شاء الله..
ريتال اه و الله مع انها هي كمان من مصر بس احسن من البت آيلان بنت عمك و بعدين اي آيلان ده هو ده اسم اصلا..
صفيه طب يلا يا اختي ننزل عشان جدك ..
في اوضه فهد
فهد زق الباب بأيدو و قال أنتي فتحتي الباب كده ..
فهد فيها أن مفيش ست محترمه تفتح الباب بالبس ده يا هانم ..
ماسه اولا الي كانوا برا دول بنات عمك تاني حاجه انا متعوده البس كده في البيت ..
فهد في بيتكم لما كنتي انتي و امك بس هنا احنا بيت عيله و بعدين زقها و دخل يلبس لانه كان نايم بالفوطه بس من امبارح ..
ماسه دخلت الحمام و فضلت ټعيط و بعدين قالت مش كان أهون ليا اقعد مع ماما فريده أحسن من البهدله و الذل الي انا في ده ...
فهد هتفضلي جوه كتير ..
ماسه بغير هدومي عندك مانع ..
بعد شويه خرجت ماسه و كانت لابسه جيبه جلد لحد تحت الركبه بشويه و عليها تيشرت أبيض مكتوب عليه بالاسود و شوز أبيض ..
فهد كان واقف قدام المرايه و كان كل شويه يعطس بعدين بص لماسه و قال أنتي هتنزلي كده
ماسه أيوه ..
فهد أحب اعرفك احنا مش في مصر احنا هنا في الصعيد و ياريت الهانم تحترم نفسها شويه ..
ماسه انا لبسي محترم تمام و بعدين انا متعوده علي اللبس ده
و سابته و نزلت ..
فهد خبط بايدو علي التسريحه و قال لسانه طول عليا اوي ..
ماسه نازله علي السلم و بعدين ريتال و صفيه راحوا يتكلموا معاها..
ريتال ممكن أسألك سؤال ...ريتال و صفيه ولاد عم عندهم الاتنين 17 سنه يعني اصغر من ماسه ب 2 سنتين
ماسه اتفضلي
ريتال هو انتوا عندكم في مصر كل البنات بتبقي حلوه كده ..
ماسه ضحكت مش شرط و علي فكره انتوا قمر اوي ..
صفيه طب ممكن انا كمان أسألك سؤال ..
ماسه قولي ..
صفيه هي دي عينك و لا بتاع من الي بيحطوه ده الي بيغير لون العين ..
ماسه لا يا ستي عيني و بعدين ما فهد كمان عينوا زي ..
ريتال ايوه مهو فهد من القاهره اصلا بس بعد وفاه عمي جه هنا ..
ماسه يعني هو مش عايش هنا اصلا ..
صفيه بصي يا ستي فهد امه اصلا من القاهره و دي
تبقي مرات عمي يعني مرات ابو فهد و كانت بتشاور علي أنعام دي الي كانت موجوده في البارت الاول ام العريس
ماسه اه فهمت يعني ابو فهد متجوز اتنين ..
ريتال أيوه عمي كان متجوز أنعام اكمن يعني هي بنت عمه بس ربنا مرزقهمش بعيال فراح اتجوز مرات عمي نرمين و دي ماټت بعد ولاده فهد بشهر عشان كانت ضعيفه ده كل الي سمعته و الي اعرفه عن فهد ..
ماسه تمام هو المطبخ منين ..
صفيه من هناك بس لي
ماسه هقوم اساعدهم جوه ..
الجد من ورا أصيله يا بنتي بس هما خلاص خلصوا و بعدين مينفعش عروستنا تشتغل من اول يوم ليها في البيت ..
ماسه قامت و سلمت عليه بعدين باست أيدو..
الجد ربنا يحميكي يابنتي امال جوزك فين ...
فهد نازل علي السلم انا اهو يا جدي و راح سلم عليه ..
الجد صباحيه مباركه يا عريس ..
فهد تسلم يا جدي وراح قعد جمب ماسه بعدين قالها حسابك معايا بعدين علي الي حصل فوق ده ...
ماسه بصتله بعدين قالت انا مش جاريه عندك عشان تذلني و لا تبهدلني و ابقي اعمل الي انت عايزه ..
فهد مسك أيديها پغضب و قال عارفه أنا مش مسئول عن أي حاجه هتحصل لو سمعت ليكي كلمه تاني ..
ماسه بتتألم ممكن تسيب أيدي ..
الجد خير يا ولاد في حاجه ..
فهد لأ يا جدي أحنا بس كنا بنتكلم في حاجه ..
الجد ماشي ربنا يسعدكم يابني ..
فهد شغال يعطس ..
ماسه ميلت عليه و قالت علي فكره انت واخد برد ..
فهد ملكيش دعوه و خليكي في نفسك ..
الجد مالك يا فهد شغال تعطس من ساعه ما نزلت ..
فهد مفيش يا جدي ده شكله دور برد ..
حفيظه الفطار جاهز يا حج ..
الجد طب يلا نروح نفطر بعدين اطلع ريح شويه ..
فهد حاضر يا جدي ..
الكل اتجه علي طبليه الاكل الي كانت بتحتوي علي قرص وفطير من جميع الانواع
