حماتي
يابنتي عايزة اشرب شاي مش قادرة اقوم اعمل لنفسي
هند بزهق
طيب هعملك ودخلت المطبخ وعملت لها الشاي وشربتة ودخلت اكلم أحمد وقالي
انا مش عارف اعمل ايه ياهند اجيب منين انا تعبت ياهند ومش عارف اعمل ايه
هند
في ايه يا احمد بس مالك ياحبيبي انت ايه اللي مزهقك كده
احمد
الفلوس ياهند الفلوس مأثرة معايا اوي ومش عارف اعمل ايه محتاج فلوس عشان العلاج بتاع مراتي انا شكلي هعمل في نفسي حاجة
بعد الشړ عليك ماتقولش كده انا فداك وهديك كل الفلوس اللي انت عايزها هبعت لك الصبح كل الفلوس اللي معايا بس متعملش في نفسك كده
احمد بخبث
انا مش عارف اقول لك ايه ياهند ربنا مايحرمني منك بس اعتبري الفلوس دي سلف وانا هردها على فكرة
هند
متقولش كده ياحبيبي فلوسي هي فلوسك المهم احنا مش هانتقابل بقا نفسي نتقابل
قريب ياحبيبتي قريب جدا
وبعدها فعلا قابلت احمد وكنت يوم عن يوم بتعلق بيه اكتر
وفي حماتي قالت لي انها رايحة تزور واحده قريبتها وسابت جمال نايم وانا ندهت عليه وصحيتة وقولت له
تعالي انا عايزاك ياجمال
وجه عندي ورحت مسكاه في الصالة وقولت له
هتفضل هنا مربوط لحد لما افك بمزاجي ماشي اياك تنطق بكلمة انت سامع
يلهوي ايه اللي عمل فيك كده ياجمال ايه ياحبيبي
جمال بيعيط جامد
هند وحشة هند وحشة هي عملت كده
الام
ياحبيبي يابني انتي يلي اسمك هند انتي يابت انتي
ورحت جري عليها وقولت
في ايه ياولية مالك انتي بتنادي عليا كده ليه عايزة ايه
انتي رابطة الواد الغلبان وسيباه كده ليه حرام عليكي ياشيخة ربنا ينتقم منك اتاري الواد بېخاف منك وانا اقول بېخاف ليه اتاريكي ړعباه
هند
بقولك ايه ده قليل الادب ولازم يتربى وانتي ياختي مدلعاه قولت اربيه
الحما
حرام عليكي ده قليل الادب ده غلبان وميعرفش السما من العما روحي منك لله انا هكلم ابني واقوله على اللي انتي عملتيه في الواد
قولي له وانا هاقوله انه كان بېتهجم عليا وشوفي ابنك هيصدق مين فينا
الحما
روحي منك لله انا ابني هيصدقني انا بس اصبري بس لما يتصل بيا تعالي ياضنايا تعالي معلش ياحبيبي حقك عليا يابني
خدته ودخلت اوضتها وانا فضلت أغلى ومبقتش عارفه اعمل ايه واتصلت باحمد وقولت له وقالي
انتي لازم تخرسي الوليه دي عشان لو قالت لابنها حاجة هيقلب عليكي ومش هيبعت لك فلوس تاني
طيب اعمل ايه ياعماد اتصرف ازاى واخرسها ازاى انا مش هعرف اعمل ايه
احمد
اسمعي انا لما اقابلك هديكي ماده كده تحطيها لها في الشاي هتخلي لسانها يتشل ومش هتنطق تاني
هند
ماده ايه دي يا احمد
احمد
ماده كده بيستخدموها في التركيبات بتاعت الأدوية بس بنسب ما انتي عارفه اني شغال في معمل أدوية واتعملت منه كتير وانا هجيب لك منها وتخرسيها خالص
هند
عندك حق انا لازم اخرسها خالص لأنها لو اتكلمت مش هيرضى يبعت لي فلوس خالص وانا بقا مصدقت الفلوس بقت معايا كتير ده انا حتى قولت ماينزلش الاجازة ويفضل هناك اصل السنتين قربوا يخلصو وكلها كام شهر ويرجع
احمد
لا لا انتي خليه هناك وقولي له ميرجعش عشان يفضل يجيب فلوس
هند
ماهو ده اللي انا بعمله ياحبيبي انا اصلا مش هقدر استغني عنك وبعدين احنا على اتفقنا انا هحوش من وراه وأطلق منه وتتجوزني انت صح
احمد ارتبك وقال
ااا ااه طبعا ياحبيبتي اومال ايه
وتاني احمد قابلني واداني الماده اللي هخرس بيها حماتي
وبعدها حطيت لها في الشاي
وحماتي بعدها مبقتش تتكلم خالص
