انا اسمي نجاه

قولت لها ماشي بس متخبيش عليا اي حاجه لازم تعرفيني كل كلمه يقولها لك واكون معاكي في كل خطوه.. قالت لي ايوه ياماما انتي صاحبتي وعمري ما هخبي عنك حاجه.. مټخافيش ياماما انا مش هعمل حاجه تضايقك .. انا بس اكمل السنه دي وادخل الجامعه وهو يجي يتقدم لي علي طول ونتخطب 
وفعلا اول ما خلصت امتحانات قالت لي ان محمد عايز يجي يقابلني.. قولت لها اهلا وسهلا جايين امتي .. قالت لي هو جاي الاول لوحده يتعرف عليكي وبعدها يبقي يجيب اهله

اول مشوفته اټصدمت.. لقيته صغير في السن يعني ادها تقريبا.. وكمان شكله ابن شوارع يعني لبسه واسلوب كلامه والفاظه مش حلوه.. عكس
بنتي تماما.. استغربت وقولت لها هو ده محمد الي كونتي طايره بيه السما وبتحكي لي عنه طول الوقت
قالت لي ايوه ياماما.. ماله
قولت لها لا ده مينفعكيش يابنتي.. هي دي النصايح الي كنت بنصحك بيها
قالت لي ياماما انا بحبه وعيزاه
قولت له ياابني انت لسه صغير وقدامك وقت طويل علي متقدر تفتح بيت وتتجوز 
يابني انا معنديش بنات للجواز
الولد زعل ومشي.. وبنتي قعدت تصرخ وتقول لي حرام عليكي انا بحبه وهو بيحبني ليه تحرمينا من بعض
قولت لها يابنتي ده مش مناسب خالص
قالت لي انا بقول لك بيكي من غيرك هتجوزه... قولت لها وانا بقول لك مفيش جواز.. وانا غلطانه اني اديتك الحريه
قالت لي ياماما انا مينفعش متجوزش محمد 
انا وهو غلطنا مع بعض..مكدبش عليكم انامحسيتش بنفسي فضلت اضرخ والطم علي وشي .. قولت لها ازاي وامتي 
قالت لي هو كان بيجي لي هنا البيت لما بتكوني انتي في الشغل.. يعني مش مره واحده.. لا مرات كتير .. يعني دلوقتي مينفعش اسيبه لازم اتجوزه
اتصلت بالولد وكلمته لقيته بيسمعني نفس الكلام الي انا قولته له .. ياطنط انا لسه صغير مش بتاع جواز.. ولسه مينفعش افتح بيت
قولت لبنتي انتي ليه خونتي الثقه والحريه الي انا اديتهم لك ليه عملتي كده فيا وفي نفسك.. انتي ضيعتي نفسك
بنتي دخلت في حاله اكتئاب وكنت بسمعها بتترجاه يجي يتجوزها وان انا موافقه اجوزها له.. بس هو خلاص بقي رافض موضوع الجواز وبيقول لها مامتك رفضتني ومستحيل اتقدم لك تاني.. انا مترفضش
فكرت اكلم اهله بس اول كلمه هيقولوها انتي معرفتيش تربي بنتك
فكرت ابلغ عنه الشرطه بس هقول لهم ايه بنتي كانت بتجيب واحد البيت بمزاجها
انا حاسه ان بنتي ضاعت.. مش حاسه هي فعلا ضاعت
عارفه انكم هتلوموني وتقولو انتي السبب 
بس انا مكونتش عايزه بنتي تعيش الحرمان الي انا عيشته .. بس طلعت فاهمه غلط..
انا اديت لها حريه فوق اللزوم في سن صغيره هي مش فاهمه لسه .. علشان كده استخدمت الحريه غلط.. ضيعت نفسها وضيعتني معاها
بنتي دلوقتي بتلوم نفسها ليل ونهار علي الثقه
 الي ادتها له مش في مكانها ولا وقتها
طول الوقت بتطلب مني اسامحها