رايحه فين

بدلال مبتكلمش علي حد ياسي فهد... 
فهد زعق بعصبية من قله أدبها اتكلمي معايا عدل وبطلي قله ادب...
كل الشارع خرج علي صوت كبير الشارع اللي هو فهد.... 
شجن پخوف مكنش قصدي حاجه يا بيه... 
فهد بزعيق اسمعيني يا بت انتي غرام تحترمي نفسك معاها انا مش اطرش علشان مفهمش كلامك علي مين سامعني... اعرفي حدودك مع اسيادك تمام.... مش حرم فهد البحيري اللي واحده زيك متسواش حاجه في سوق الستات تقول عليها كده.... هيا ست الستات واي حد في الشارع هيفكر يمسها بكلمه هقطعلو لسانه...

بص فهد لأبو شجن وقال لم بنتك ياعم محمد ورحمه ابويا لو فكرت تقرب من غرام تاني هزعلها لولاها ست كنت كسرتها في بعضها بس أنا مبمدش ايدي علي ستات....
بص الشارع كله لغرام الحاسد والحاقد واللي مبسوط من حب فهد ليها...واللي نفسها فهد يحبها زي ما بيحب غرام...
بس غرام كانت في عالم تاني أول مره حد يدافع عنها شجن مش بتبطل تلقح عليها بالكلام.. حست إن ليها سند مشاعرها اتلخبطت بعد الموقف ده بس فهد كبر في نظرها... 
صحيت من افكارها علي صوت فهد 
فهد بحنيه اطلعي يا غرام...
كانت عايزة تتخانق معاه علشان قال أنها حرمه بس لسانها اتربط ومعرفتش تتخانق معاه هو ليه سحر خاص.. ليه بتبقي خرسه قدامه أحيانا.. مع انها مش من طبعها بس شكلها وقعت في غرام فهد البحيري...
طلعت غرام بيتها وقلبها بيدق جامد...
دخلت اوضتها وحطت أيديها علي قلبها لا متدقش كده احنا مننفعش.. اوعي تحبه لاء.... بس ليه لاء.. 
دخل فهد هو وندي البيت لقي مامته بتحضر الاكل..
أبتسم وقال عرفتي ازاي اننا جايين دلوقتي... 
هدي بخبث من زعيقك اللي مسمع اخر الشارع علشان ست غرام...
قعد علي الكرسي وقال بتعب وياريته نافع يا امي.... شعري شاب وأنا بحاول أقنعها اني بحبها... بس عادي وماله حقه الجميل يدلع بس والله كله هيطلع عليها في الآخر...
أبستمت هدي علي حب ابنها لغرام هيا بتحب غرام زي بنتها.. اول ما سكنت كانت علطول تقولها ربنا يجعلك من نصيب الفهد يا بنت نور...
هدي بدعاء ربنا يريح قلبك يا حبيبي واشوفك اجمل عريس انت وهيا واشيل عيالكوا ياارب...
قبل يد ولدته وقال ربنا يخليكي ليا يا امي كتري من الدعاء ده كتير علشان أنا صبري خلص...
في بيت غرام طلعت علي صوت زعيق مامتها... 
غرام نعم يا ماما.. 
نور بقولك يا حبيبتي اطلعي قولي لخالتك ام فهد إن المقاسات مش مظبوطه فيها لخبطه...
غرام بأستغراب مقاسات اي... 
نور بقله صبر غرام بلاش غبائك دلوقتي يا حبيبتي اطلعي قوليها كده وخلاص...
لبست غرام سدالها الاسود اللي عكس لون بشرتها البيضه وعيونها الصافيه زي صفاء البحر....
خبطت غرام علي الباب اتفتح الباب ومره واحده صړخت بقوة.. 
_إيه اول مره تشوفي حد كده
قالها فهد بخبث لما غرام صوتت ولفت بصت الناحية التانيه. 
غرام بضيق ادخل أستر نفسك.. 
فهد بمكر ليه كده يا حبيبتي ده احنا كلها سنه وهنتجوز..
غرام بڠصبية حبك برص يا فهد ادخل استر نفسك. 
أتكلم فهد بخبثليه هو أنا كده مش مستور..
غرام بكسوف فهد ارجوك ادخل البس اي تيشرت مينفعش

كده بجد..
صعبت عليه غرام لما شافها هتعيط من الكسوف قفل الباب في وشها علشان عارف أنها هتتعصب..
غرام بعصبية واحد قليل الذوق محتاج اعادة تربية...
_مين ده اللي محتاج اعادة تربية يا شبر ونص.. 
قالها فهد وهو بيفتح الباب.. بصتله غرام لقيته لبس تيشرت اسود علي البنطلون الاسود..
غرام بنرفزة بس يا ابو طويلة... 
فهد ليه كده يا حبي ده البنات دلوقتي ھتموت علي الطول ده متبقيش مش وش نعمه يا حبي...
غرام بعصبية حبك برص... 
خبطت غرام في الحيطه عرفت إن مفيش مفر لقت نفسها محاصره 
فهد همس جنب آذنيها مش عارف أي حكايتنا مع الحيطة بس وربنا ما حد بيلمنا غيرها...
أبتمست غرام بخجل احترم نفسك...
فهد بخبث طب بدل ما الحيطة بتلمنا مينفعش شقة واحد تلمنا دانا حالي يصعب علي الكافر يا شيخه...
غرام بتوتر فهد ابعد بقي... 
فهد بمكر طب مينفعش فهد قرب... 
رفعت وشها واتكلمت بعصبية بطل قله ادب بقي... 
فهد بحب ايوة كده يا شيخه ارفعي وشك خليني اشبع من القمر ده والعيون الملونه دي...
بصت للأرض بكسوف فهد بقي متبقاش رخم وابعد... عيب حد يشوفنا...
... محدش ساكن في العماره غيرنا لو قصدك علي امي فا امي نايمه وندي بتذاكر الروح الدحيحه خرجت من جواها تقريبا علشان عليها امتحانات... وامك تلقيها بتتخانق مع المكنه... مفيش غير أنا وانتي 
فركت إيديها بتوتر وقالت برقة لو سمحت يا فهد....
فهد ياااالهووووي علي فهد واسنين فهد السوده في حياتة...
برقت غرام پصدمة مالك... 
فهد بنرفزة مالي اقعدي قولي زفت فهد وسبيني في شوقي.... 
غرام بعصبية فهد بطل بقي وسبني امشي... 
طب ولما انتي تمشي فهد هيعمل اي.. انتي ډمرتي فهد وسنين فهد وبصراحه مينفعش كده معاه.... 
زقت غرام فهد بسرعه لما شافت هدي جايه ناحيه الباب... 
هدي بهدوء بتعملو اي يحبايبي... 
فهد بتعلثم كنت بنفخ في عيناها دخلت دبانه قصدي دخل طراب... يووووه بقي يا ماما سبيني في حالي... شلتوني معاكوا...
ضحكت غرام وهدي علي توتره... 
اتكلمت غرام مع هدي بحبعايزكي يا طنط...
هدي بحب حاضر يا حبيبتي اطلعي وأنا هحصلك..
طلعت غرام سلمه ورجعت تاني وقالت وهيا بتشاور علي فهد اه صح يا طنط... متنسيش تربي ابنك ده محتاج ربايه...
طلعت غرام جري وطلع ورها فهد مسكها فهد من ايدها ولسه هتزقه النور قطع....
قربت غرام من فهد واتكلمت پخوف أنا خاېفة.. فهد اتكلمت بخبث يارب النور ما يجي.. بقي الواحد ما صدق...
غرام بعدم فهم مصدق اي مش فاهمه... 
فهد بالامبالاه مالكيش دعوه انتي...
اتكلم فهد پخوف لما لقها بتترعش بين ايده غرام مالك يا حبيبتي انتي كويسه..
غرام پبكاء أنا بخاف من الضلمه اويي... 
دور علي تلفونه في جيبه بنطلونه بس للأسف كان ناسيه تحت زعق بكل صوت علي اخته ومامته...
همس لغرام هششش متخفيش يا حبيتي أنا موجود دلوقتي هتطلع ندي ومعاها كشاف...
غرام پخوف فهد متسبنيش.. 
فهد بعتاب حد يسيب روحه ياريت تحسي بيا بس أنا تعبت من المحاولة معاكي.. وانتي عنيده بطريقة غريبة...
قبل ما يكمل كلامه النور جيه بعدت غرام عن فهد بكسوف واستوعبت أنها كانت قريبه منه زقته وجريت علي بيتهم بخجل..
فهد بأستغراب البت دي هبله ولا اي.. ربنا يشفي... ربنا يشفي اي... بنت العبيطة واخده قلبي معاها... 
دخلت غرام بيتهم وجريت علي اوضتها

ومردتش علي مامتها وهيا بتناديها..
صړخت مره واحده وقالت بقيت شبهووووووو منه لله...
فهد شخصيه قوية وصارمه جدا وعصبي وشخصية صعبه بس معاها بيقدر يتخلا عن كل عيوبه علشانها بس لانه عارف غرام بتحب الاشخاص المرحه... غرام حاجه تانيه عند فهد هيا روحه مش بس مجرد واحده بيحبها... 
في صباح اليوم التالي في محل فهد كان قاعد علي المكتب وبيزعق في التلفون..
فهد بعصبية يعني اي البضاعه تتسرق... عايز تقنعني انها اتسرقت ولا انا مشغل معايا شويه اغبيه... لو معرفتش مين اللي سرق البضاعه وقتها هتقابل وجه كريم...
قفل الفون ورزعه في الحيطة بعصبية..
زعق بعصبية أياااااد....
دخل أياد وهو خاېف من حاله فهد واتكلم بهدوء عكس الخۏف اللي جوه نعم يا فهددد...
وقف فهد وخبط علي المكتب بعصبية دلوقتي حالا تعرفلي مين اللي سرق البضاعه اللي كانت جايه في الطريق قدامك 24ساعه صدقني يا أياد وقتها مش هرحمك لو عدت المده....
طلع أياد پخوف لأنه عارف فهد وقت عصبيته مبيبقاش شايف حد...
قعد علي الكرسي ورجع رأسه بتعب حط أيده علي رأسه واتكلم بأرهاق مش عارف القيها من فين ولا فين ياارب... 
في المساء رجعت غرام هيا ومامتها بليل حوالي الساعه اتناشر من بره...
طلعت علي السلم هيا ومامتها لقت فهد واقف قدامها.. 
فهد بعصبية كنتي فين كل ده...
غرام بعدم فهم وانت بتسالني ليه... 
فهد بعصبية مترديش السؤال بسؤال يا غرام اتأخرتي بره ليه... 
غرام بعصبية وانت مالك اتاخر براحتي فهد متنساش نفسك انت مش جوزي ولا اخويا انت مجرد شخص صاحب العمارة اللي احنا ساكنين فيها وبس واخو صحبتي...
نور خلاص يا غرام اسكتي... فهد يا حبيبي غرام كانت معايا كنا بنجيب حاجات ورجعنا متاخر...
فهد بغيظ ماشي يا امي ماشي....
دخلت نور بيتها وسابت غرام وفهد برا
غرام بنرفزة كاتم عصبيتك ليه خرجها... 
قرب منها فهد بعصبيه واتكلم بغيظ بت انتي مستفزه كده ليه.. بجد أنا مشفتش حد مستفز ورخم زيك... 
غرام بعصبية اهو انت.... 
_أنا كده يا شيخه قولي حاجه اصدقها طيب
ربعت أيديها وقالت بنرفزة قصدك إني كدابه... 
مسح علي وشه بعصبية ابتدينا في نكد الستات بقي والهرمونات اللي مبتخلصش دي...
غرام ستات معني كده... إنك بتاع نسوان... 
قرب فهد منها وهيا رجعت لورا كانت هتقع علي السلم اللي ورها بس هو سبقها لما مسكها من وقال حتي لو اعرف عندك مانع... 
غرام بتوتر هااا.... 
غمر فهد وقال هاا.. اي دانا الظاهر شاغل دماغك وأنا مش واخد بالي... بس معلش حق الجميل يشغل بالي...
رفعت حاجبها وردت بغرور والله... أنا محدش شغل بالي.. ده اصلا لو في حد .
قرب فهد وهيا بصت للارض بكسوف وهمس ا فهد البحيري مش شاغل تفكيرك بس ده تقريبا واخد عقلك وقلبك وكل حاجه...
عدا من جنبها ولسه هينزل ردت بسخرية اه بقي وانت حارق قلوب البنات وهيموتوا يعيني علي نظره منك واخد مقلب في نفسك اوى...
فهد لما لقها اتعصبت حب ينكد عليها اكتر تيك كير يا عمري مينفعش اتأخر علي قطتي اكتر من كده...
نزل فهد وسبها ضړبت رجلها في الارض بعصبية ودخلت البيت ورزعت الباب..
سمع فهد رزعه الباب وضحك لما عصبها... 
في صباح اليوم التاني اتفقت ندا وغرام أن غرام تيجي تذاكر عندها علشان الامتحانات واكدت غرام عليها إن فهد ميكنش

موجود وقالتلها إن فهد عنده ضغط شغل ومش هيرجع غير متأخر....
نزلت غرام وذاكرت هيا وندا.. اتكلمت ندا وقالت غرام أنا جعانه ما تيجي نعمل اكل.. 
غرام نعمل اي... 
ندا نعمل مكرونه بشاميل أنا بحبها وماما اصلا تلقيها هيا ومامتك قاعدين فوق نازلين نم علي الشارع..
ضړبتها غرام برقة وقالت بطلي الظن الۏحش بتاعك.. 
ندا بضحكه ظن وحش والنبي انتي كيووت...
شالت غرام طرحتها ودخلت المطبخ و بدأت تعملها هيا وندا خلصوا واكلوا بعدها بشوية رجعوا يكملوا مذاكرة اتفتح باب الشقة.. 
فهد يا ندا.. 
ردت ندا وهيا في الصالون تعالى انا هنا..
دخل فهد واټصدم لما شاف غرام.. 
قعد علي الكنبه اللي قصدها وحط رجل علي رجل وفرد دراعه علي الكنبه واتكلم بخبث لو كنت اعرف ان الجميل هنا.. كنت سبت الدنيا تولع وقعدت هنا... اصل هنا في هوا وفي طراوه مشفتهاش في حياتي كلها..
غرام بسخرية لا يشيخ.
فهد اه والله ياقلب الشيخ من جوه.. 
بصت غرام للارض بكسوف.. 
فهد بمكر حقه الجميل يتكسف ويحمر