المغسلة ام احمد ماټت بقلم هويدى زغلول
ابني دي كانت ايام حلوه اوي والله ربنا يرحمك يا ام احمد يارب ياغاليه دي مكنتش صديقة وبس دي كانت اخت ونعم الأخت اللي مجبتهاش امي والله يابني
احمد
ربنا يرحمها امي سابت فراغ كبير اوي في قلبي من وقت لما شوفتها وهي نايمة على سجادة الصلاه وانا قلبي مخلوع مني
ام اسماعيل
شد حيلك يابني مادايم غير وجة الله سبحانة وتعالي
ونعم بالله يلا يا خالتي ام اسماعيل احنا وصلنا البيت اهو
ونزل احمد وام اسماعيل ودخلوا وحنان قالت له
انت اتاخرت ليه كده يا احمد انا قلقت عليك
احمد
معلش ياحنان كنت بجيب خالتي ام اسماعيل من البلد بس اعرفك ياخالتي ام اسماعيل دي حنان مراتي
ام اسماعيل
ياحبيبتي يابنتي كان نفسي اعترف عليكي في ظروف احسن من كده دي كانت أم أحمد مبتجببش سيرتك غير بالخير يابنتي ربنا يبارك فيكي انتي وجوزك يارب
تشكري ياخالتي اتفضلي ادخلي حماتي الله يرحمها في الاوضة دي
ودخلت ام إسماعيل على ام احمد اللي كانت نايمة وهاديه وقالت لها
بقا كده ياغالية تمشي وتسبيني لوحدي في الدنيا ده انا معرفش افضل من غيرك بس انتي ايه سرك بقا يا ام احمد انا معرفش انتي عملتي سر ايه في حياتك خليتي احمد ابنك يجي يقولي اني انا بالزات اجي اغسلك انتي حكايتك ايه انا عارفة ان عمرك ماغلطي ابدا قومي وقولي لي ايه اللي مخليكي مش مرتاحة
السر اللي انا عايزة اعرفه عند انتي يا ام اسماعيل انتي اللي عارفه كل حاجة ولازم تقولي لي حصل ايه دلوقتي
ام اسماعيل
في ايه يا ام احمد انتي بتسالي عن ايه بالظبط
ام احمد
عن بنت نبوية الله يرحمها البت دي زمان انا ظلمتها ظلم كبير اوي وانا لحد دلوقتي معرفش عنها حاجة خالص ونفسي أعرف هي فين عشان قلبي يرتاح ارجوكي يا ام اسماعيل قولي لي
بس ياختي بنت نبوية ديه من يوم امها ماراحا وهي محدش يعرف عنها حاجة بقولك ايه ياختي انتي مشيلة نفسك ذنب وخلاص ليه ارتاحي
ام احمد
لا يا ام اسماعيل ياختي لا انا مش هيهدي لي بال غير لما اعرف مكانها واروح اقولها تسامحني الأول عشان روحي ترتاح
ام اسماعيل
بس انت عمرك يا ام احمد ماعملتي حاجة في حياتك تخليكي تحسي بذنب
انا فعلا عمري الحمد لله ماعملت اي ذنب في حياتي انتي طول عمرك عارفاني وطول عمرك عارفه انا ازاى بحب الحق وارد الحق لأصحابه
ام اسماعيل
طبعا عارفاكي يا ام هو انا هتوه عنك ابدا ولا عن جدعنتك وانسانيتك ووقوفك مع الناس في كل حاجة
ام احمد
صح بس المره دي الوحيده اللي موقفتش جنب البنت دي يا ام اسماعيل انا مش عارفه ارتاح خالص صدقيني
طيب احكي لي ايه حكاية البنت دي بنت نبوية دي قولي لي يمكن اعرف اساعدك
ام احمد
انا من سنتين كده يا ام اسماعيل وانا كنت شغاله انا ونبوية مع بعض انتي عارفاها اللي كانت بتشتغل معايا في الغسل بس انتي عارفه برضو انها كانت نمامه ومكنتش بتبطل تتريق على خلق الله وفي يوم
فلاش باك
نبوية
بقولك ايه يا ام احمد احنا النهاردة ياختي هنغسل واحدة بس بيقولو انها كانت عايقة اوي كده وكانت شايفة على الآخر يلا حسن الختام بقا
ام احمد
ياوليه حرام عليكي اللي بتقوليه ده يعني تغتابي الست اللي راحت وتقولي حسن الختام ده انتي هتروحي من ربنا فين انتي
نبوية
الله جرا ايه يا ام انا بتفك معاكي ياختي هو انا يعني عملت ايه
