المغسلة ام احمد ماټت بقلم هويدى زغلول

يا ام احمد انا بحاول اني مخليش حد فيهم يتكلم عليا باي كلمة مش كويسة
ام احمد
اسمعي ماهو مش عشان انتي بيتقال في حقك كلام زي ده يبقا انتي تقولي على الناس اي كلمة زي ديه ماهو مش عشان الي يتعمل فيكي تعمليه انتي في الناس ماشي يانبوية ويلا روحي دلوقتي وانا كمان هاروح البيت
وراحت ام احمد البيت وبعدها بساعتين جالها تليفون من ام اسماعيل وهي بتقول لها

الحقي يا ام احمد البت نبوية بيقولو تعيشي انتي ياختي بس هي في المستشفى مش متأكده انها راحت ولا لسه فيها الروح بس هي طلباكي
ام احمد
انتي بتقولي ايه يا ام اسماعيل لا اله الا الله دي كانت معايا النهارده الصبح في الشغل ازاى راحت فجاءة كده ازاى هي حصل لها حاجة ولا ايه ياختي
ام اسماعيل
ايوه يا ام احمد بيقولو في عربيه خبطتها ياريت تيجي لها دلوقتي انا هعدي عليكي ونروح انا وانتي
وفعلا راحت ام احمد عند نبوية اللي لما شافت ام احمد مسكت فيها وقالت لها
بنتي يا ام احمد بنتي انتي لازم تاخدي بالك منها اوعي يا ام احمد تخلي عمماها ياخدوها لحسن دول لو اخدوها هيخلصو عليها انتي فاهمة ولا لا
ام احمد
اهدي يانبوية هي بنتك فين اصلا دلوقتي ومين اللي عمل فيكي كده مين هما ولا ايه انتي كان قلبك حاسس يابت انهم هيعملو فيكي حاجة مش كده
نبوية
بنتي يا ام احمد تخلي بالك منها وتحطيها في عيونك الاتنين انتي لازم توعديني يا ام احمد
ام احمد
بصي انتي اهدي بس كده وقولي لي هي البت دي فعلا من جوزك يا نبوية ولا لا عرفيني الحقيقه عشان اقدر اساعدك ومتخلاش عنك البنت بنتك جوزك
نبوية
ايوه الله يا ام احمد بنت جوزي ومش من حد تاني غيرة ده هما اخواتة اللي قالو كده عشان عايزين ياخدو حتة الأرض اللي هو كاتبها باسم بنته ارجوكي تاخدي بالك منها انا بوصيكي عليها اوعي سبيها لهم اوعي
ام احمد لسه هاتقول لها انا مش هقدر انفذ الوصية دي في اللحظة دي نبوية راحت وام احمد قالت
الله يرحمك يانبوية انتي رحتي ليه دلوقتي انا لسه مكنتش قولت اللي عندي ليكي ولا قولت لك على اللي هقدر اعمله سامحيني انا مش هقدر على الوصية ديه
وبعدها ام احمد كانت كل لما تنام تشوف نبوية في المنام وهي بتقول لها
منك لله يا ام احمد انا مش مسمحاكي ابدا ولا هكون راضية عنك وانا في مماتي عشان انا وصيتك وانتي منفذتيش الوصية بتاعتي الله لا يسامحك يا ام احمد
تصحي ام احمد من النوم ومتحكيش لحد عن الحلم ده لأنها كانت شاكة في نبوية انها عملت حاجة حرام لحد في يوم راحت بيت عم بنت نبوية وقالت لمراتة
انا جايه لك دلوقتي عشان اسألك عن اللي حصل من نبوية وهل فعلا البنت دي اللي كانت معاها مش بنتها من جوزها ولا ايه
الست
لا ازاى الكلام ده البنت بنتها من جوزها اللي اسمه سعيد ويبقا سلفي هو بس سعيد كان عنده حتة أرض كده ياختي وبعدين اخواته كانو طمعانين فيها هو بقا عشان خاېف على مراتة وبنتة كتب الأرض دي باسم بنته وهما اللي طلعو سمعه على نبوية انها جابتها من الحړام
ام احمد
لا حول ولا قوة الا بالله العلي العظيم طيب البت دي فين ياختي متعرفيش هي فين دلوقتي
الست
لا معرفش وبعدين عن اذنك ياختي لحسن لو جوزي رجع ولاقاني بتكلم عن