المغسلة ام احمد ماټت بقلم هويدى زغلول
البت دي وامها مش بعيد يطلقني يلا بقا انتي من غير ماطرود
ام احمد
ماشي ياختي انا ماشية بس البت اللي راحت دي ذنبها هي وبنتها في رقبة كل اللي اتكلم في حقها كلمة وحشة وجوزك ده اولهم ان شاء الله
ومشيت ام احمد من عندهم ورجعت البيت وجات لها نبوية وقالت لها
منك لله يا ام احمد منك لله انتي كمان هتشيلي ذنب بنتي العروسة اللي محدش يعرف عنها حاجة دي
ام احمد
ومن ساعتها وانا ضميري واكلني عليها ومش عارفه عنها حاجة خالص قولي لي الاقيها فين يا ام اسماعيل قولي لي ياختي يا ام إسماعيل ام اسماعيل
فجأة ام احمد صحيت من النوم وقالت
اعوزو بالله من الشيطان الرجيم ده ايه الحلم الفظيع ده هو انا رحت ولا لسه عايشة ولا ايه ايوه انا عايشة الحمد لله يعني ربنا لسه مطول في عمري لحد اما ادور على البنت بنت نبوية ايوه اكيد عشان اعرف اعمل بوصيتها لاني معملتهاش
تعالي لي يا احمد يابني دلوقتي حالا بسرعة الله يخليكي يا حبيبي
احمد
في ايه يا أمي مالك كده صوتك مالة هو انتي كويسة ولا ايه ياحبيبتي
ام احمد
لا يا احمد انا مش كويسة يابني ياريت تجي لي دلوقتي حالا وبسرعة بس وانا هاقول لك على كل حاجة يلا
وراح احمد لأمه وقال لها
في ايه ياست الكل مالك جبتيني على ملا وشي ليه كده وبتقولي انك انتي مش كويسة ليه
عشان يابني حصلت لي حاجة غريبة اوي انا حلمت اني رحت وروحي طلعت للي خلقها يا احمد يابني بس اللي شوفتة غريب اوي
احمد
غريب يعني وايه هو اللي انتي شوفتيه احكي لي بس في ايه
ام احمد
اللي شوفتة ان نبوية مش مرتاحة يابني وعايزاني اعمل بوصيتها اللي انا ملحقتش اقول لها عليها مش هقدر انفذها
احمد
وصية ايه اللي نبوية وصتك بيها دي يا أمي بس
يعني كده خالتي ام اسماعيل هي اللي عندها سر البنت دي وهي اللي عارفه مكانها يعني كده لازم نوصل لخالتي ام اسماعيل عشان توصلنا للبنت بنت نبوية مش كده برضو
ام احمد
بالظبط كده يابني ودلوقتي احنا لازم نروح لخالتك ام اسماعيل ونعرف منها عنوان البنت لاني حاسه انها في خطړ وأهل ابوها عاملين فيها حاجة الله اعلم بيها
خلاص يبقا بينا على خالتي ام اسماعيل وهي اللي هتقول لنا على مكان البنت دي
وراحو فعلا لام اسماعيل اللي رحبت بيها وقال لها
يا اهلا يا ام احمد اهلا ياحبيبتي نورتي الدنيا كلها ياغالية
ام احمد
ده نورك يا ام اسماعيل والله ياختي تسلمي اومال ابو اسماعيل فين كده ده كنت عايزة اسلم عليه
ام اسماعيل
ده من ساعت ماراح يصلي العصر في المسجد لسه مرجعش لحد دلوقتي اكيد عدي على حد من قرايبة وقعد معاه انتي منوراني والله وانت ياشيخ أحمد نورتنا يابني
ده نورك ياست الكل ربنا يديكي الصحة والعافية يارب
ام احمد
بصي يا ام اسماعيل انا جايه لك دلوقتي عشان اسألك عن حاجة ياختي هو انتي متعرفيش البنت بنت نبوية اللي كانت بتشتغل معايا مغسلة دي اراضيها فين
ام اسماعيل
اه ياختي عارفاها طبعا دي البت دي عروسة مشاء الله عليها دلوقتي بقت زي القمر بس عمماها ياختي منهم لله بيخلوها متشوفش الشارع ابدا ولا يعرف عنها حاجة
ام احمد
يعني انتي ياختي معاكي عنوانهم يا ام اسماعيل انا عايزة اروح اطمن على البنت دي
