حماتي شيلتني الانبوبه
فيه وده جروب مشترك وشوفت واحد اسمة احمد منزل بوست بيقول حظي لون لبسك دلوقتي ياترى حظي لونة ايه
علقت بكومنت وكتبت
اسود
عمل ايموشن بيضحك ورد عليا وقال
ياساتر يارب يعني هو مفيش غير اللون ده
رديت بضحكة وقولت
حظك بقا وجه كده لاني فعلا لبسه حاليا اسود انا مالي بقا
هو
امممم ماشي مقبولة منك ياقمر
دخلت صفحتة وفضلت الف فيها وشوية لاقيته منزل بوستات تضحك وشوية حزن وقولت لنفسي
وبقيت اعلق على كل بوست منزله وخرجت حماتي من اوضتها شافتني صاحية وماسكة الفون قالت لي
انتي لسه صاحية ياهند ده عماد كان بيقول انه هاينام عشان عنده مشاوير الصبح
رديت عليها بضيق
عماد نام لكن انا صاحية ولا انا لازم انام عشان هو نام يعني
لا يابنتي انا مقصدش حاجة ماتقعدي براحتك انا مالي انا هدخل الحمام وارجع انام تاني وسبتها ومشيت من قدمها وهند قالت
روحي ياشيخة الهي ماتوعي انتي وابنك الأهبل ده
وبعدها فتحت الفيس تاني وفضلت اقلب في الصفحة ولقيت اشعار برسالة جاي لي منه وقولت لنفسي
ايه ده هو بعت رسالة على الخاص هو عرف منين اني بقلب في صفحتة لما اشوفه بعت ايه ولا لا لا انا هستني شوية مش هرد دلوقتي لحسن يقول اني مصدقت ولا حاجة
يعني هو انا لازم حظي يجي في اللون الاسود ده حتى الوقت متأخر على لبس الأسود ولا اوعي تكوني حزينة عشان كده لبساه
ضحكت وبعتت ايموشن بيضحك ورديت وقولت
لا انا مش حزينة ولا حاجة دي هدوم البيت هي اللي لونها كده
رد وقال
اها هدوم البيت واضح انك بتحبيه اللون ده اوي مش كده
ايوه بحبه جدا
رد قال
امممم على فكرة ده احلى لون الأسود ده رقيق كده وبالزات في هدوم البيت
هند
هو انت بعت لي رسالة ليه هو انت تعرفني
هو
لا بس قولت نتعرف حسيتك كده روحك حلوه ومرحة في الجروب ومحبوبة قولت اتعرف بيكي ولا مش عايزة على انا أسمي احمد عندي 38 سنة وانتي اسمك هند ولا اسم مستعار
هند
لا ده اسمي الحقيقي
عندك كام سنة
هند
ههههه مش بحب اقول سني بس انا أصغر منك يعني لحسن تفكرني كبيرة في السن ولا حاجة
احمد
لا لا اكيد اللي روحها حلوه كده مش كبيرة في السن يعني اكيد واحدة حلوه وصغيرة وسنها مش باين عليها
هند
احم على فكرة بتكسف
احمد
ههههه متجوزة ياهند ولا لسه انسة
هند
متجوزة وانت
احمد
متجوز بس مش سعيد يعني زي ماتقولي كده جوازة اتحسبت عليا وخلاص
هي مريضة قلب وبتحتاج لادوية وراحة
وانا فضلت احكي له عن بيتي وحياتي والصبح جه واحنا لسه بتكلم والآخر قفلت معاه ونمت وبعدها صحي عماد وخرج من الاوضة امه قالت له
هي مراتك لسه نايمة ياعماد هي مش هاتقوم عشان تحضر لك الفطار ولا ايه
عماد
لا يا أمي سبيها نايمة وانا هعملي ساندوتش خفيف عشان الحق انزل اروح اخلص الورق اللي ورايا ده
الام
طيب يابني ربنا معاك وييسرلك امورك بأن الله
ومشي عماد وفضلت نايمة لحد بعد الضهر ولما صحيت وخرجت الصاله وحماتي قالت لي
كل ده نوم ياهند ايه يابنتي العصر هيادن اهو
هند
وهو انا يعني ورايا ايه عشان اصحى من بدري ايه هصحي احلب الجاموسة ولا ايه وبعدين هو انتي مش بتعملي الاكل اهو عايزة مني ايه بقا
الحما
يابنتي انا مش عايزة
حاجة خالص
اعملي اللي مزاجك
