انتي عانس
....ابويا ومراته مش هيكسبوا الجولة دي أنا اللي هكسب وهما هيشوفوا أنا هعمل ايه فيهم ....
بقية اليوم قضيته في اوضتي ...اتصلت بالشغل واعتذرت اني مش هاجي لاني تعبانة واتفهموا الأمر...بس لما كنت في اوضتي مكنتش
ببكي كنت بخطط هعمل ايه عشان ابوظ الفرح ده ...مكنتش خاېفة من اللي هيحصل كنت بس حابة اوريهم ان مش أنا اللي يتلوي دراعي وهيشوفوا رؤى هتعمل ايه ....
بصيت لها بإستفزاز وقولت
وهو ده يصح يا امي العزيزة ينفع عروسة تحضر العشا تؤتؤ مينفعش أنا دي اخر ايامي في بيت ابويا لازم اتدلع بس بناتك كده كده قاعدينلك خليهم هما يحضروا ...
وعشان اقهرها حطيت راسي علي المخدة وقولت
اقفلي النور والباب وانتي خارجة ...
اتعصبت بس رغم كده محبتش تكتر في الكلام لأنها عايزة الخطوبة تمشي من غير مشاكل
مرت الساعات وانا اختفيت عن الأنظار والبيت كان قايم حريقة ...الحاج عمران وعياله جم عشان يخطبوني وابويا كان شكله وحش وهو مش عارف يوصلي ....
بعد ساعة ...
قربت صفية من حسين وقالت
كان حسين متوتر وهو باصص للحاج عمران وهو متضايق ...شاف بناته بيتوشوشوا بينهم وبين بعض ...رؤى عملتها ...حطت رأسه في الطين ...
لسه حسين هيرد اتفتح الباب ...
ابتسمت وانا بشوف الكل بيبصلي پصدمة ...مسكت ايد على وقولت
اعرفكم يا جماعة ..علي جوزي !!!
نعم !!!
زعق ابويا فهزيت كتفي وقولت ببرود
للاسف يا بابا انا اتجوزت ...
بصيت للحاج عمران وقولت
لا مؤاخذه بقا يا حاج مينفعش تخطب بنت متجوزة ...يالا ملكش نصيب ...بس ممكن ارشحلك مي بن مرات ابويا مسكينة ومطلقة وملهاش لا قريب ولا حبيب ولا غريب حتي ...
قالتها صفية بفزع وبعدين كملت
عايزاني اجوز بناتي لراجل كبير زي ده ...
ربعت أيدي وقولت
بس كنتي عايزة تجوزي بنت جوزك لراجل زي ده عادي ...
وشها اتقلب فابتسمت وقولت
بس الحق مش عليكي ...
بصيت لبابا وقولت بنبرة مکسورة
الحق علي ابويا اللي سمع كلام مراته وكان
يرميني بالرخيص...
هزيت كتفي وكملت
بس أنا غفلتكم واتجوزت علي زميلي عرفي ...مش كده يا بيبي ...
اتعصب الحاج عمران وقال
بقولك ايه الموضوع خرج عن السيطرة ايه رايك نقولهم الحقيقية.
.شششش بطل غباء يا بني آدم انت عايز تبوظ اللي أنا عملته والنعمة لو فتحت بوقك لأضرب راسك انت فاهم !!
لا يا عم رؤى تبقي مراتي دلوقتي يعني ملكش حق تمد ايديك عليها ....وبعدين انت زعلان ليه كنت عايز عريس
ولقيت عريس اهو ...
قالها ابويا فجأة وشي شحب فلقيته دخل الاوضة وفضل فيها دقيقتين وبعدين خرج و رمي شنطة هدومي ومسك أيدي وقال
اطلعي برة انتي لا بنتي ولا أنا اعرفك....خلاص انتي متي مع امك ..وانا مت بالنسبالك وياريت مشوفش وشك هنا تاني ....
دموعي نزلت وانا بشوف ابويا بيطردني ...قلبي وجعني ...للحظات كنت هترجاه يسيبني بس مقدرتش ...حسيت لساني اتربط ...
كنت ماشية في الطريق أنا وعلي شغالة ابكي وأبكي ...علي اتنهد وقال
خلاص بقا يا رؤى متزعليش كل حاجة هتتحل ...يومين وهتشوفي أنه بنفسه هيجيلك ...
هزيت راسي وانا بعيط وقولت
مستحيل ابويا بيكرهني وما صدق أن ده يحصل ...هي هتفضل تزن عليه عشان تكرهه فيا اكتر من كده ...خلاص ابويا اتخلي عني مبقاش
